7月の低能buffet 錄

er...其實已經在7月30日的事, 足足拖了一個月先寫~
咁有興致食buffet? 一來實在太耐無食, 是因為buffet 價錢愈來愈貴 (=口=") 好懷念JW MARRIOT arrr....
今次聽同事提供這間新世紀廣場的花月庭, 她試過ok~而且價錢只是$348 (分時段連加一), 星期一至四。

被安排較偏遠座位..不過望下去的酒店大堂個view都不錯


沙律及肉類, 我覺得沙律菜未夠甜, 但都算新鮮, 而肉類火腿未有機會試全部。
 
7月主題好像是泰國, 這個魚沒有試

最吸引大家當然是海鮮!! 蟹腳、青口、蝦
太多食物選擇, 壽司同溫泉蛋都無食...
 
味道都算鮮甜, 不過食蟹腳花太多時間~~
  
又到buffet 一定要食蠔先抵的環節? 其實我一點都不熱愛生蠔, 不喜歡這種好肥及太滑的質感...滑"晒"晒"
反而幾年前吃JW MARRIOT buffet 的生蠔我就接受到, 忘記是什麼國家, 但是瘦瘦的~~
但現在就算不喜歡食都要試一下味道~ (因為我真係幾揀飲揀食!)

不過開蠔的人員技術好似一般.....有蠔殼碎, 所以進食時要十分小心。
 
好多芝士呀~~
 

食物款式實在太多, 不是太胃王很難試盡每款~

甜品每款都是細細件, 好適合貪心細食的人

我的生蠔、蟹腳、龍蝦~~

魚生款項只有5-6款, 不多選擇, 如果有軟殼蟹手卷就好..

 

雖然食物分佈有點凌亂, 但有些味道的確不錯!! 好好味
1. 辣酒煮花螺
2. 豬肉卷 (好像是印度食物)
3. 滑蛋

再encore龍蝦, 今次加了芝士汁, 超~級~好~味~道! 濃郁芝士味外, 龍蝦肉都算彈牙!

終於到甜品環節, 花月庭有Haagen Dazs同Movenpick 雪糕選擇, 可惜movenpick的開心果味雪糕, 味道真係好怪....可惜說不出是什麼味道 ><

嘩嘩嘩~~這碟甜品是不是很精美!! *v* 燕窩蛋白奶凍牛奶味好濃及好滑
泡芙好軟滑, 一啖吃下去好冰凍呀! 正!!!

還有見到我好喜歡的waffle, 當然要一個再加上haagen dazs 士多啤梨味雪糕。
不過待我裝飾完後, waffle又凍又硬, 可能太厚的關係, 如果是三角型的那款會薄些。

 
當我拿相機好盡情四周拍照的時候, 酒店的人有些人望左我幾下...我都想過 "是不是不能拍照呢"~
到最後走的時候, 才發現有一塊好細好細標誌牌 (不能拍照), 當然感到有點尷尬, 我的拍照行為會否被他們覺得我是自遊人呢?

花月庭buffet 的食物款式很多, 而且價錢都算合理。熱食 (ok)、冷盤 (壽司選擇較少)、甜品每件都細細件可以試多款。
但是食完回家肚瀉....以為我腸胃一向差的問題, 但同行的朋友也肚痛, 不知道是否生蠔有問題。但我的同事及朋友去過也沒有這個問題。