顯示具有 Greyhound 標籤的文章。 顯示所有文章
顯示具有 Greyhound 標籤的文章。 顯示所有文章

2014年7月28日 星期一

My First 泰國遊 20130425-0428 (Day 2 Siam Ocean World / Greyhound / Coffee Beans / 水門雞飯 / NaRaYa)

又再回到一年多前了, 哈哈~
第2天行程: 酒店早餐 > Siam Ocean World > Greyhound > Coffee Beans > 水門雞飯 > NaRaYa > Big C
旅行社訂的套票包酒店早餐, 款式及味道比想像中的多及好。酒店質素真係唔錯! 再推介!
健康的當然要食salad, 菜都幾新鮮~
每樣都細細件, 可試均每款食物也不會太飽~

除了西式外, 也有日式冷麵壽司、中式的點心
而甜品蛋糕仔反而就一般


食飽飽就出發了!
去到泰國咁熱的地方, 就算露肥肉都要著背心短褲~~
酒店部lift 都零舍靚, 無辦法我大鄉里少出城, hohoho

今日主要地方都係Siam 暹邏 bts 站的商場, 有 SiamParagon、Siam Paragon、Siam Square
第一站係蕃薯家姐指定的Siam Ocean World, 其實我興趣不大, 而且入場票絕對唔平 (每人1,100baht 已包7%VAT, 約HKD300) 


海洋世界當然不只下面簡單幾張圖, 種類數之不盡, 就算無機會潛水都可以睇到



途中遇到幼稚園生來參觀~

Siam Ocean World 除了睇海洋生物, 仲有4D 影院、玻璃底船 (有d流) 、有魚食腳皮 (嘔心)等
4D影院有一part係有一條條既野掃你對腳 (好似八爪魚係你旁邊經過), 但我覺得驚囉!
印象中套票也有汽水同爆谷提供, 個刻未肚餓所以食唔晒~


玩完之後, 當然就是食!!
來到Siam Centre的Greyhound Cafe~

剛好walk in不用等位, 環境都算舒適, 餐檯上的擺設都幾別緻, 很喜歡那朵康乃馨


有免費的餐包及牛油送上, 包好軟熟而牛油似cream butter質地好滑!
如果香港分店都有就好


黎到當然要飲好出名的凍檸茶, 冰係用茶造成, 茶味這樣便不會沖淡, 加上青檸味比黃色檸檬更fresh~

出名還有炸單骨雞翼, 單骨更入味, 炸得好脆而且仍有肉汁唔會乾, 而且細隻放入口食相唔會肉酸。

又一樣炸野, 炸魷魚圈~~魷魚好彈牙爽口, 點沙律醬除了有甜甜酸酸的感覺外, 還可減低熱氣感覺~~perfect match, 一口接一口食了很多

當時不算太餓, 沒有點粉麵飯, 點了輕食包類~
個包質地似包片皮鴨塊皮, 內裡有生菜、蛋等, 因為太耐忘記了, 不過我記得包不是預期的熱食, 是凍食, 味道麻麻地

第3樣必點的甜品, mixed berries crepe~
有pancake、cream、雜莓醬梅花間竹層疊而成, 豐富層次感, 加上有雜莓的微酸味不會覺得crepe膩

食飽又周圍行陣, 商場與商場之間的地方擺放不少攤位 (沒冷氣)
有飾物、鞋、衫賣等等, 這個賣太陽眼鏡都幾特別, 款式太小朋友所以無買到 


泰國今次既旅程都係食、shopping、做spa, 無水上活動, 好hea~
泰國諗住會好熱, 比想像中好, 此終無香港咁濕, 較乾爽, 而行既都係大型商場冷氣絕對好足夠, 會覺得凍架!

tea time!
Coffee Beans by Dao  - Siam Paragon
目標想試榴槤蛋糕, 估唔到4點幾到都等位15mins, 坐無虛席, 可能遇到學生放學時間吧~
大型水晶玻璃燈感覺幾grand, 不過座位與座位之間較擠迫。
前面甜品櫃陳列著不同款式的蛋糕, 不用單看menu 那麼單調

飲品選了CALAMANSI SEEDLESS PLUM SODA 有 青檸、話梅, 好開胃~夏天飲岩晒

點了2款蛋糕, 左椰子蛋糕coconut pan cake, 右是榴槤蛋糕 durian cake
椰子蛋糕有椰子肉, 夾著中間綠色蛋糕不會甜, 不過沒有什麼特別
而榴槤蛋糕好香榴槤味, 食落有啖啖榴槤果肉, 真係幾好味~
上網睇Coffee Beans by Dao在泰國有6間店,  其他分店更大更靚, 而且好多款食物選擇~

晚上去了食出名水門海南雞飯, 認住粉紅色衫!


是雞胸肉我最like,  還點了排骨苦瓜湯
價錢約港紙十幾蚊 雞飯, 而湯就$10, 唔係口中講到 "咁好食", 有點失望, 不過價錢咁平就無所謂。
而湯我就覺得幾好飲唔錯~


之後去了附近較大間的NaRaYa潮聖, 蝴~蝶~袋~
出外旅行大多數遇到大陸人....印象最深係NaRaYa店, 店好大地方但作然覺得好迫, 水洩不通, 好易俾行李o急同車仔碰到。

我收穫只是少許, 買了千鳥格的袋, HKD100內都幾抵, 後來發現袋太橫較少用到, 心態上一場來到一定要買點東西, 哈

女生每月都有不方便的時候, 所以買這個袋仔放用品就perfect, 夠整潔美觀

還有買了眼鏡袋, 都幾實用, 內裡保護性高, 今次買了藍色, 家姐買了紫色

去每個國家旅行當然唔少得去supermarket買野
係泰國一定要食榴槤 (唔可以帶去酒店)、芒果、金柚 (唔清楚個名), 價錢比香港平好多, 而且隨意揀一盒都好甜!
留意我下篇Day 3~~再見!!


2014年7月19日 星期六

泰 fusion happy Friday

Greyhound 在泰國都幾出名, 上年5月去曼谷旅行都食過一次。隨後在香港也成立幾間海外分店, 其實我係旺角分店都食過2次, 今次第3次就作一個簡單的分享^^
位於旺角新世紀分店地點就腳, 地方算寬敞, 星期一至四晚餐時段人數少walk-in也可, 不過五至日想食就建議book位。


門口的甜品陳列櫃十分精美, 望住會流口水..!!  大概已想好點什麼甜品(其實主菜都未諗....)


飲品推介友人點主打凍檸茶(每次我都飲), 這不同港版, 是用青檸, 最重要的是冰亦是茶製成, 這樣茶味便不會淡。


試得凍檸茶多, 於是我點了healthy cocktail 系列。這杯名叫Pink Journey (士多啤梨、蘋果、青檸) , 粉紅色的果汁配紫藍色的杯賣相的確一流。蘋果味較特出蓋過了其餘的生果, 而且飲時有粒粒碎冰(因為必需加冰打成), 所以我下次都繼續飲凍檸茶吧~


點菜當然最好就是淡到濃味, 這個越式鮮蝦雞肉米紙卷, 配有生菜及醬汁。

我一向好喜歡食有生菜包的菜, 如中式生菜包、韓式燒肉亦用生菜包燒肉來食。這個米紙包著蝦、雞肉等等, 米紙卷加上少許紅色醬汁(少少辣), 再用生菜包來食, 感覺好清新, 當作頭盤沙律是一個不錯的選擇。


泰菜令我聯想到生蝦, fusion關係變了薄切三文魚配辣汁, 刁草同三文魚一向好夾, 上面鋪了刁草、蒜片及特制泰式辣汁。將三文魚放進口中, 辣同刁草清新味刺激著味蕾, 而且蒜片可有助殺菌, 我一向少食辣會覺得刺激, 不過會想繼續食第二第三塊。這個會是每次到這餐廳必點食物之一。


Pita Pizza with Italian Sausage 望上去似墨西哥餡餅, 有意式香腸、mozzarella芝士、蕃茄。一口咬下去, 餡餅好鬆化好脆, 似酥餅質地, 粒粒意式香腸、蕃茄配合濃郁芝士味, mozzarella芝士更可一絲絲拉出來, 有少少微辣, 味道相當有層次感。



泰式另一出名是炸蝦餅, 而這道是炸粟米蟹肉餅, 十分脆口但不會太油, 內有粒粒粟米好爽口,  附有甜酸汁可帶出另一種味道來。



除頭盤小食外,當然也點了可飽肚的粉麵類, 這個泰式炒螺絲粉就像金邊粉變奏版, 不過炒螺絲粉有朋友會覺得太硬, 但我可以接受。



主菜完了, 最重要當然是甜品, 繼續encore Mixed Berry Crepe, 賣相也是很吸晴, 一圈圈的雜莓醬, 中間更有用3粒莓砌成的小心型圖案相當有心思。



crepe就是好薄的pancake 塗上忌廉、雜莓一層層梅花間竹而成, 將crepe放入進口, 忌廉是十分幼滑, 再配上甜甜酸酸的雜莓中和單食忌廉的滯肚感覺, 這個又是每次到Greyhound必點的甜品之一。

Lancôme Génifique 小黑瓶。轉季好幫手

春天轉季肌膚相當不穩定,我皮膚屬於混合性偏乾,潮濕易出暗粒、痘痘,有時也會敏感、泛紅。是時候需要Lancome 小黑瓶來幫我穩定肌膚。   小黑瓶精華質地是半水半精華狀,伸延性高。     小黑瓶 精華 在潔面後,第一個護膚步驟用,適量的活膚精華均勻塗面上,瞬間被肌膚吸收又夠清爽...