Starki: 東京之旅 201702 ♥ 冬天去旅行 ♥ PART 2

2017年9月30日星期六

上年4月去完大阪，今年2月再去東京喇~~~

心情當然好興奮! 而且未試過冬天去日本，唔知有無雪睇下？

多年未踏足東京，由落機行到入境途中，有落地大玻璃走廊，個view好正~~

朋友說東京好凍，我就淘寶了毛毛boot、毛毛牛仔褲，仲有超厚heattech

原來沒有想像中那麼寒冷! 長袖heattech沒用，穿吊帶背心+薄長袖+羽絨～～

至於紫色毛毛BOOT勁靚，不過著左一次咁多，因為太熱。毛毛牛仔褲也是用處不太大，我著普通legging或者uniqlo防風褲也足夠。

當時氣溫是2-10度，濕度比較低較乾燥，所以不會太凍，加上日本室內有暖氣，我覺得有件及膝的羽絨或大褸也可以。

到達後，就買NEX來回車票 - 成田->新宿（¥4000)，上車前必到便利店買野食，利用差不多1小時的車程時間醫肚，之後就有大把時間shopping~haha

便利店必買超好味三文治，仲有冬天必有的熱騰騰粟米湯，這個牌子最好飲，沒有牛油味，品嚐後真是暖在心頭。

當晚去了MOSAIC STREET 逛逛，主要是想買colors by jennifer sky袋

意外收穫是看到美美的紫色燈飾~~

另外四圍有好多花店，超多靚花，我想是因為就快情人節。

我買了藍色及淺綠，好夏天的感覺，每個3800yen(2個已經可退稅)，約HKD260每個，不過容量比我之前用的大小小，內裡沒有間隔架，有時候要拿八達通不太方便，不過勝在抵買及質料較輕。

回酒店總是要買蛋糕作甜品~~~

這間sweet paradise好似在大阪已經食過~

好好味的士多啤梨蛋糕同朱古力蛋糕，價錢平又好食(約HKD20)，CP值超高。

另外便利店也是在日本無時無刻會去的地方XD

上次在大阪買的限定Lipton梨味超好飲，今次東京的有提子汁（一般般）、檸檬茶都ok既~

杯麵也是日本必買，日本製造，鈉比香港的少好多，感覺較健康，除了蕃茄辣味外，今次剛出綠茶味，我當然要試下吧～

綠茶味帶少少甜，好似有忌廉香味，試一次都ok既。

便利店的雪糕真係太多款式，所以好想一一買回來品嚐，這幾晚睡覺前都會食雪糕，肥死XD

朱古力味雪糕，好似阿波羅，味道 7/10

PABLO 紫薯芝士撻雪糕，都重紫薯味，味道 6/10

每次上網睇都有好多正野食，不過都是 #又係日本，今次終於到我去日本就有7仔限定白蘭地朱古力雪米糍

生朱古力，味道好濃郁，酒味適中，不過剛買已經即食，都幾快融掉，味道 7/10

Haggen-Dazs 也是在日本必買，因為太多限定口味是香港沒有，士多啤梨芝士味，脆脆威化夾著果味香濃的脆皮，內裡的雪糕混合了是有芝士和士多啤梨醬，香而不膩，帶新鮮果味，相當示錯，有9/10分!!

如有任何查詢，歡迎電郵聯繫。

email: lwyki@yahoo.com.hk