2014年8月30日 星期六

舌尖上的印度

一向都不是嗜辣之徒, 甚少跟辣椒做朋友, 天心血來潮想試下甚少接觸的印度菜。


印度皇Basmati 非常鄰近上環地鐵站, 有大型燈牌顯示絕對易搵。


當晚星期天晚上7時真的好冷清, 前後只有數檯客人, 有點擔心食物質素, 睇之前openrice文, 原來之前星期六及日多數搞party, 平日上班時間會較繁忙。


未點餐前已送上小食, 望上去好似雞塊, 放進口又估不到是什麼, 細問下原來是香炸鮮什菜Punjabi Pakodas, 炸得十分可口, 更有2種醬汁選擇, 不過對我來說辣了點, 只能淺嚐! 喜歡辣及香口東西的朋友不能錯過呢~


要切開解剖才見到有什菜



飲品方面, 已介紹朋友點 芒果酸奶Mango Lassi $36, 一來是推介, 二來朋友都好喜歡mango。他說入口啖啖芒果肉, 應該是用新鮮芒果肉打成, 有少少似奶昔質地。



而我點就是椰青$42, 餐廳點的絕對比超市買的甜得多, 而且椰肉夠薄也可以食。我說很甜很甜, 結果朋友飲完芒果酸奶又點了椰青飲。



估到這個是什麼? 醬汁? 乳酪? 在menu的沙律類當中見到這個 青瓜乳酪Cucumber Raita $36, 太有地道特色, 所以點來試試。
好香乳酪味, 再加上青瓜碎, 這個絕對不辣的, 哈哈~我會當作是一個開胃前菜, 味道甜甜酸酸, 適合悶熱的夏天。


我也試試將 青瓜乳酪放在烤餅上, 味道都不錯。



印度菜怎少得烤餅? 原來烤餅都有幾款選擇, 芝士、蒜茸、薯仔等等, 首先點了薑蔥烤餅Green Onion Nan $28, 即叫即製, 熱騰騰上檯, 烤餅上有很多我喜歡的蔥, 炸餅上面鬆軟, 下面夠脆。


有烤餅當然不少得咖哩, 因為不能太辣的關係, 在menu中選了沒有"辣椒"的瑪沙拉燴蝦Prawns Masala $102, 顏色不算太黃咖哩, 輕嚐少許, 有點辣也可以接受, 比起送的小食不算辣了。


蝦夠新鮮、彈牙, 而且細細隻放進口不易沾污嘴唇。愈食愈美味, 這個咖哩汁可以伴烤餅、飯都一流。


時常食buffet都會見到黃色同橙色一粒粒飯, 其實我從來未試過, 所以也點了地道的印度皇飯Pullau Rice $33。飯好乾身, 一條條分明, 我估應該是方便印度人用手拎來食, 不過香港人較喜歡用汁撈飯, 我也將咖哩汁撈印度皇飯食。



意猶未盡, 之前食的薑蔥烤餅的確美味, 所以再點個薯仔烤餅$32 (其實我都好想試芝士烤餅架!)~


薯仔鋪滿整個烤餅, 又要將烤餅點上咖哩汁, 實在太惹味, 令人好想一食再食。


第一次體驗地道及有水準的印度菜, 店員都十分友善, 也略懂中文, 所以不用擔心溝通上的問題。而價錢在香港區當中算抵食, 食到捧著肚離開。

2014年8月28日 星期四

情迷紫♥甲記 ~ Blossom Nail ♥

一向喜歡紫色, 隨身物品大部份都是這顏色, 最近狂熱到就連工作用的筆、髮色、甚至指甲也是紫色!
指甲我一向好少打理, 因為需要打字及配戴隱形眼鏡, 指甲甚少留長, 加上我甲型較短, 就算塗指甲油都唔靚喇 ><
gel 甲我幾年前整過一次, 好傷真甲 、物料好厚、而且太多化學物質, 拆甲後差不多等一個月先復原 

今次又再整甲?! 第一次整 Soak Off Gel, 除左好靚外, 也不會為指甲帶來負擔。到底我係邊度整同過程又係點? 大家一齊黎睇下!! 


位於佐敦及柯士甸站交界的Blossom Nail, 只是離佐敦地鐵站約10分鐘路程, 而且沒有尖沙咀、旺角的擠擁。
店鋪在2樓, 比地鋪更好, 不用被街上的人望望下唔自然。原來美甲店可以咁舒適寫意, 一踏進店內就聽到音樂、嗅到香薰, 令人倦意即時放鬆點。


望著檯上擺放花茶、花、蠟燭, 旁邊更是洗手間, 好有"家"的感覺~ 


又到最頭痛時間, 其實我主題已經 紫色 及 星星~
不過望望下display甲款又想要似daisy花花, 幸好專業美甲師提供了很多意見給我怎樣配搭 ^^


Blossom Nail 以是全港首間推出Blossom Soak Off Gel Enhancement services的公司。
有別於一般的Soak Off Gel, Blossom 採用非溶劑的物料, 當中更包括微細的鈣質, 女士在美甲同時真正護甲。
更採用全港獨家 LED gel system 的技術, 使用的美國著名 GEL II 美甲產品不會對人體有害, 在拆甲時亦只需通過浸泡, 無需憂慮指甲需經打磨的步驟。之前的厚gel甲我最討厭就是真甲俾機器打磨, 試過的sis我相信你好明白~

首先要修甲型, 再塗上指甲軟皮液將覆蓋於甲面周圍多餘的皮膚軟化, 就方便將死皮推開及剪走 (工具使用前會即場消毒, 不用擔心衛生問題)。美甲師手勢好純熟, 而且細心, 所以過程都幾爽架! 佢話我都幾多死皮, 哈哈XD 修剪完原來甲型都算長, 所以不用延長~yeah!

Soak Off Gel 的簡單來說過程是塗上特製的底油、顏色指甲油、面油等, 塗一層後就照燈
最後更有手部按摩, 對手由內到外都扮靚!


估不到簡單的去死皮、修甲型後的效果那麼大, 指甲型狀由肥方型變為長方型~~~奸笑!!!
首先選了較淺色紫色指甲油才可突出花的圖案, 再配上閃石, 美甲師提議每隻手只整2隻指甲會較簡潔, 而且我更愛每隻手指塗上的閃粉指甲油, 不是普通的粗大閃粉, 是細細粒閃閃發光的點綴。


手指全家福 1

手指全家福 2


Soak Off Gel 絕對不覺得厚, 就好似自己塗指甲油一樣, 而且耐用度很高, 普通指甲油1-2日已經刮花了。


整了美美指甲, 怎少得來個自拍照!!


當天紫色指甲、頭髮、眼影、耳環、手鏈、波鞋, 更借用朋友的紫色sony機來拍照, 想成為全場焦點有幾難 :)
現在有個讀者優惠, 只要提及starki的讀者或顯示此文screen, 美甲服務就有7折喇!!~~~有興趣就打電話去預約丫


Soak Off Gel 由 Blossom Nail 提供, 用後感的反應和結果因人而異。
Blossom Nail
九龍柯士甸渡船街38號建邦商業大廈2樓B室
Tel: 
2959 3805

2014年8月22日 星期五

R 的日與夜 ::: 我要飲三眼仔 (日篇)

那天因為某些事, 要在銅鑼灣逗留一會先, 腦子忽然空著想不到食什麼(平時我好多主意架)。朋友提議不如去試試R&C, 一來就腳, 二來有三眼仔green tea latte的確幾吸引。那時候大約13:30, 店內位子不算太多, 而且正值lunch時候, 所以差不多2時多才可以進去。
坐位都頗狹窄的, 我攝進去一張長檯, 旁邊對面當然有3-4pair人。之前已在openrice爬文, 已想定心水飲品、食物, 朋友想點毛毛latte, 可惜只是tea time供應, 只好點大眼仔吧~



因為卡通飲品製作需要, 大約10-15mins, 只好說好的東西需要等待。值得一提是餐廳內的有不同類型的擺設品, 吸引到我去拍照。


再轉右就望到大透明玻璃窗, 燈飾十分別緻, 望到都幾舒服relax, 如果貨車開走, 我相信照片更美。



終於等到大合照了~因為打算之後食附近的waffle, 所以肚子要留點位置



登登登, 三眼仔green tea latte, 畫花精美, 好有神態, 我覺得好~可~愛!!



我一向好少飲green tea latte, 之前飲過一次印象麻麻....
原來三眼仔有外貌之餘都好有內涵, 綠茶味香得來濃但不會苦, 而且飲落好滑, 的確好有驚喜!
不捨得拌勻它, 所以由三眼仔變成二眼仔XD
三眼仔好飲, 當然佢的朋友大眼仔都相當不俗~~



點了出名的雞肉意粉, 意粉好似用olive oil 炒過, 食落較滑不乾, 而且帶有香草味, 而雞肉就普普通通。
因為忙著拍照有點放涼了, 我相信上檯後即時進食味道會更佳。



其實menu選擇不多, 肚子要留位, 所以隨意點了腸、蛋、茄汁豆吐司, 切開吐司鬆脆, 茄汁豆一向不好食交給朋友, 香腸非常美味可口, 吐司再混合半熟蛋的蛋汁, 這樣不會太乾配合得好好。
值得下次再來, 想試一試毛毛latte~


這張相說在外國拍的我相信應該都有人信..
就是在剛才的cafe 對面的一間店, 覺得門口好靚忍唔住要影下相~~哈哈


好難得影到我對長腿~~可惜件橫間衫實在顯得太肥了 T~T

b.liv glow & glory ♥ 親膚面膜。水潤亮澤 ♥ 肌膚"叮"一聲

面膜一向都唔會嫌多, 雖則開架的價錢好抵, 但密密敷效果只是一般, 感覺時間浪費了~
所以我覺得一定要有些質素高的面膜傍身, 敷完一塊肌膚即時有"叮"一聲的效果。
今次PR就送來b.liv最新款的面膜試用~
b.liv glow & glory
Skin Reviving Biological Mask 光彩熠熠 生物面膜


一盒有3塊 $270, 每塊有精華25ml, 份量都相當多, 而且是台灣製造
面膜包裝好有夏日色彩, 有我喜歡的湖水綠~ 


面膜主要功能是 水潤保濕+美白亮膚+煥彩新生, 有齊女士們渴求的3種願望 XD
主要活性成份: 南極海醣蛋白萃取液、蘋果萃取、熊果素
打開包裝, 已見精華滿瀉, 面膜由中間的生物纖維膜 (精華層) 及前後各一層網狀保護膜組成。先揭開一面的保護膜, 將精華層(半透明部份)敷到臉, 然後再取下另一面網狀保護膜, 敷15分鐘左右。


這個不是普通的紙面膜、模面膜, 而是先進生物纖維面膜100%由木醋桿菌培育而來, 柔韌質感, 加上很親膚, 十分貼面, 只是額頭、鼻位覆蓋不是太到位。


敷面膜後, 仍有超級多精華, 我自己用法會先將一些精華塗勻面部, 再敷面膜。
15分鐘後取下面膜, 再取少連精華按摩面部。不過還有多餘的精華塗手手腳腳, 連body lotion都節省了。


面膜很保濕, 面頰易泛紅問題, 敷完即時可以改善到


用後肌膚即時白淨了, 不會暗暗黃黃。 


用完一塊後面珠有bling bling發光的感覺, 面膜的質地都是第一次試, 感覺好新鮮!! 前所未有的貼面!!


這個面膜真是一試難忘, 3塊已經好快用完~~~


銷售地點: 香港全線SASA
產品由品牌提供, 用後感的反應和結果因人而異。

2014年8月13日 星期三

你厚厚厚多士! 南龍冰室 ♥ 最正都係菠蘿油

一開始就是為了這個而來! 本來想試羅麥記 (一係屯門/太古 =o=), 最後找到一間有類似食物而且有特色茶餐廳 - 南龍冰室。 


抬頭一望滿是黑白色鳥籠, 好有中國古有特色風味。


再望靠牆一邊掛著懷舊的畫


第一次見到menu咁得意有趣! 成本兒童故事書, 介紹美食都有不同的有趣圖畫, 令人看得津津樂道。


食極唔肥, 我好渴望, 一定要試下你!


金磚焗蕃茄豬扒飯 $79  
焗得有少少過時, 炒飯好乾, 要靠加蕃茄汁入口, 而豬扒一般沒特別。
麵包好硬, 沒有食到, 我覺得好浪費。


主打想試 "食極唔肥" 菠蘿油, 如果2個人只叫金磚飯及菠蘿包又怕不夠, 想來想去最後點這個餐$58 都算抵食!
豬扒公仔麵、炒蛋勝在夠熱, 味道都可以!


至於菠蘿油真係好好味!!! 第一夠熱、第二夠鬆軟 (上面個皮唔會痴實個包) 、第三牛油份量剛好, 不會太膩。
我打文仍然好懷念菠蘿油味道...


整體上裝修十分有香港特色, 鳥籠、百子櫃、掛畫等, 有地鋪同一樓, 人流不算多可以靜靜地享受。
下次有機會再來一定encore 菠蘿油!!!

Lancôme Génifique 小黑瓶。轉季好幫手

春天轉季肌膚相當不穩定,我皮膚屬於混合性偏乾,潮濕易出暗粒、痘痘,有時也會敏感、泛紅。是時候需要Lancome 小黑瓶來幫我穩定肌膚。   小黑瓶精華質地是半水半精華狀,伸延性高。     小黑瓶 精華 在潔面後,第一個護膚步驟用,適量的活膚精華均勻塗面上,瞬間被肌膚吸收又夠清爽...