2014年9月9日 星期二

來自星星的大廚 ✩ Little Twin Stars x 100 BITES ★ 追加Sanrio星級甜品學府

lalala~ 係 Little Twin Stars 粉絲應該會知道朗豪坊最近有間同little twin stars crossover的主題餐廳


繼Melody主題餐廳後 (ishiyaki+ café), 在9月1日至10月31日同層10樓也有期間限定的Little Twin Stars x 100 BITES。


100BITES 是屬於滿記旗下, 不過每次都是經過而已。
店11點開門, 我大約在9月6日星期六約12時到達, 那時候已經只有晚餐籌 (有3時段可選18:00/19:30/21:00, 每節約1X人)
如想試lunch or tea set, 就要10時半-11時到達守候拎籌。就算未能有時間拎籌的話, 都可以walk in排隊等, 不過要待拎飛的入座後才能安排位子, 我應該下午茶時段2:30後walk in機會大些, 加上套餐價錢便宜點。


拍了lunch set 及 dinner set 給大家參考, 方便出餐的關係, 全部都是set, 沒有單點的。而且每人要點一個套餐, 至於小朋友是否計算在內就不清楚。
$100內的lunch set 選擇算多, 我認為主打都是waffle、coffee、cup cake。


而dinner set 確實有點貴, 味道方面請繼續看下去, 最想試就是coffee同waffle~


後來才發覺得意的星星厚多士都不在lunch及dinner set中, 上fb一問原來tea set 才有, 我想我又要去食多次....XD


我選擇了6時晚餐時段, 大約15分鐘前到達, 很快已經清場及安排入座。
因為第一輪入座的關係, 有幾款主題檯都可以給我拍照, 幸福!!!
這檯約坐2-3人, 是面壁對著 little twin stars


如5人以上有機會安排以下2款主題檯~~超靚!!!


上面有燈打光, 點影都咁靚喇~


朋友到訪過melody主題餐廳, 有大大隻手抱melody公仔拍照~
twin stars只有一對小小的, 不過也不能放過拍照~


四周不論是牆壁、檯、裝飾、menu等等都有little twin stars, 一絲不苟, 未食已覺得值回票價。


檯也有不同款式, 我旁邊的是一對twin stars 超靚sssss


朋友點的凍飲所用的杯墊, 也要給我玩樂一番, 不過走的時候忘記帶走, 嗚嗚...


Kiki 椰子菠蘿特飲, 代表弟弟Kiki的藍色好有夏日感覺, 不過朋友的評語就是 "好甜..好甜"...


Kiki latte 個樣超掂!! 晚上我一向不喝咖啡怕睡不著, 因為你我要破例。


味道ok~本來最後甜品waffle到才一齊影相, 結果公仔化了好肉酸~


前菜: Caesar salad 配 三文魚 或 雞肉
菜算新鮮, 不過醬汁過咸, 三文魚ok, 雞肉是鞋的, 其實卡通人物主題餐廳, 都不要對食物期望過高。


主菜: 卡邦尼長通粉 $168 set
沒有卡邦尼味道, 長通粉比出面的餐廳較淋身, 我幾喜歡, 而蘑菇味道OK, 還有星星的紅蘿蔔片。


主菜: 芝士嫩雞扒配薯餅 $188 set
雞扒是由雞胸肉, 一點都不嫩滑, 而且是"鞋"....你可能會說雞胸肉梗係鞋, 我當然試過滑的雞胸肉才有此評價!
而薯餅炸粉過厚, 薯仔份量好少, 相比下麥當勞薯餅好食D!


原來套餐還有這芒果mousse cake, 一個字 "甜"....


我最想食就是士多啤梨waffle 配雲呢拿雪糕, 套餐另加 $68 享用。


除了咖啡外, 這個我覺得最好味及有驚喜, waffle 算鬆軟, 配合雲呢拿雪糕 (有2球)、士多啤梨生果、醬汁味道好夾, 略嫌雪糕份量太少了。


一邊牆掛滿100 bites的杯子


亮點當然是twin stars


Little Twin Stars 雙胞胎, 弟弟叫做Kiki, 姐姐叫做Lala。Kiki有藍色的頭髮而Lala有粉紅色的頭髮(有時候Kiki的頭髮是咖啡色而Lala的頭髮是金黃色)。是日本Sanrio 1975年創造的卡通人物, 他們的生日是12月24日。
其實我不算超級熱愛 Little Twin Stars, 因為家中地方小一向都不會買精品。而我都是幾年前才知道他們叫kiki n lala, 而我這英文名在中二已有, 因英文老師要求, 想不到就隨便改了一個 (kiki就是當年看y2k其中一個女主角的名字), 哈哈。
最後不少得在門口位置跟Little Twin Stars們來個合照, 就算不用餐也可以排隊影相的。


除餐廳外, 朗豪坊不同層數也有Sanrio卡通人物, 就等我跟大家分享下~
12樓就有hello kitty雪糕車


而10樓外面就懸掛Sanrio的各款人物。


拍照前可以先到4樓換氣球 (有工作人員會展示QR code 或 上langham fb 登入game就可以了)
排隊人龍都幾長, 比其他單拍卡通人物還要長, 不過都算快, 約 15-20mins。
遊戲是選3個最喜歡的卡通人物, 第一次抽中XO (不是3個志願), 排我前面的幾個路人都一齊抽到布甸狗, 想跟我交換。
而朋友抽到的是melody。
很多人守候換氣球附近, 希望能交換到心儀的卡通人物, 不過little twin stars真係少之又少, 每次開口都被人sss拒絕了...
我在附近見到有班人拿著3個hello kitty, 用melody成功交換了。(只有melody同twin stars是雙面氣球)
而little twin stars我只是問人借來拍拍照~都算還個心願


至於4樓當然是Sanrio卡通人物集中地, 可能開了一段日子, 人流已較少, 每個點我大約排4-5個人。


我覺得hello kitty 佔的佈置比例較多, 我手持kuromi氣球另一面就是melody



kitty n daniel 有star chef awards, 哈哈


twin stars 今次都整得幾靚!!!


以調酒作主題, 後面有strawberry soda mix配方, 睇得明嘛?




每個卡通人身的主題都幾新鮮得意, 不熱愛都會想拍照。 


XO我都覺得幾可愛!!


想拍照和到主題餐廳就要留意日子喇
1/8 – 14/9 Sanrio星級甜品學府(4樓) 
1/8 – 31/10 Sanrio大型甜品派對(9-12樓) 
1/8 – 31/10 Hello Kitty雪糕車(12樓) 
11/8 – 31/10 Pom Pom Purin布丁店(9樓) 
1/9 – 31/10 Little Twin Stars主題餐廳(10樓) 
26/9 – 31/10 Bad Badtz-Maru蛋糕店(10樓)

2014年9月7日 星期日

Coffee or Tea? ♡ 休閒下午茶 聚腳推介

行街行到攰, 又無到時間食晚餐, 不如去飲杯野坐下先~~
starbucks?  無新意喇!~不如睇下我今次介紹飲咖啡、綠茶好地方。 


位於中港城3座1樓平台的Allegretto, 地點旺中帶靜
飲3D 咖啡呢間都算出名~


旁邊也可以欣賞海景, 但要小心有車輛出入


點會只飲咖啡咁dry? 當然要有蛋糕喇! hahaha
蛋糕大約6-8款, Earl Grey Angel Cake $38 
這款蛋糕口味我在另一間cafe都試過~
天使蛋糕一向給人感覺好甜! (因為美心個o個, ha) 而這個甜度適中, 忌廉不會過多, 算軟滑, 跟海棉蛋糕入口都不錯
至於伯爵茶味就唔多覺, 可能我未飲過食唔出。 


喜歡濃味的朋友可選擇 石板街蛋糕 $38
因為今次不想食chesscake, 只好選這個。三層口感: 上層朱古力漿蛋糕面、中間海棉mousse、最底就是browie蛋糕
對我來說略甜, 再苦些 (如70%) 就更好, 太甜可以飲咖啡中和, 而底層browie蛋糕有點過硬。



登登登~到3D 咖啡 $45杯
想飲的原因, 一來成年無飲過, 二來見openrice 相公仔大隻左好多! 所以想再試下~
上年每檯只限一杯, 今年好像放寬了, 點2杯都可以。不過每個時段有特定杯數, quota滿了就要等下一節, 當時我們4時到達, 要待下節4時半才可以點。
可惜令我失望....眼見每檯拎走的公仔都好可愛又大隻!! 搞到我不時望隔離檯杯咖啡 
唔通男仕order pattern 就求其D? 下次我會自己order睇下又會點!


係細隻D, 都有點楚楚可憐的感覺 


個樣都算cute既



朋友個杯係北極熊



來個合照, 北極熊好似就黎俾我倒出黎咁~~



只有cappuccino 才造出3D 咖啡, 而其他味就只有簡單的拉花。
你唔算太可愛, 不過撩你出黎影相又ok, 我會唔會太殘忍...哈哈。
我不是喜好咖啡者, 飲咖啡只是為了圖案, 因為不忍心一早破壞得意圖案, 所以這杯cappuccino差不多最後才落糖, 之前不算太苦, 有蛋糕甜甜地平衡味蕾。而泡沫都算幼滑, 都值得再來。



$45 杯同starbucks差不多, 但有可愛公仔較優勝
除了適合女生們來拍照, 更有室內及室外, 室內也有梳化, 談天說地hea下都不錯。
蛋糕價錢算是中等, 至於咸食我之前食過普普通通不會推介。



某天去電腦節後, 打算在上環食晚餐, 那時候只是5時, 好想找個地方休息下飲下野
結果去了我一直想試的 川善茶居 (在永樂街, 上環十年都唔會去一次, 今次經過終於試到)
去到不其然給店內的裝飾嚇了一跳, 以綠茶出名, 但擺設十分中式。


有茶葉餅


還有茶壺售賣


不過出面又有西式風格的吸煙區


中式雜物架擺放了書、花盤等, 還有西式花茶!!...


除了擺設有點奇特外, 不得不說店內的檯櫈都各式各樣, 有中國類似酸枝傢俬、西式的華麗椅。
第一次坐下中國式檯子, 檯太低, 櫈太高, 一點都不舒服。結果等另一張較正常比例高度的檯, 不過一邊的櫈就特別窄到只有一部S3的長度, 我自己當然坐得麻麻地舒服喇, 不過總好過前者, 其餘較舒適的已給人使用了。



綠茶是主打, 朋友點的 Matcha Snow White $48
有matcha、milk, vanilla ice cream, 友人的評語就是"好重綠茶味"


朋友也想試 Matcha brownie $78


熱綠茶淋在凍冰冰的雪糕, 冷熱交替, 的確賞心悅目


不過這個綠茶brownie 比我平時食的硬好多, 完全沒有鬆軟可言, $78 真係幾貴下~
反而我朋友相當欣賞佢, 一來有得玩之餘, 佢覺得蛋糕吸晒綠茶好正, 又熱又凍幾得意。


綠茶我還是喜歡熱飲, 所以點了 Matcha Soul $38
賣相相當美觀, 綠茶加上豆奶, 還有一圈圈的蜜糖, 而且嗅到一陣陣花香味, 令人好舒服~
還有一片片的杏仁片、suitanas (果乾)、花香味就是來自osmanthus (桂花)


第一次飲綠茶是有花香味, 綠茶加豆奶好香好滑, 還有蜂蜜甜甜的又幾夾
不過當中的杏仁片同果乾我就不太喜歡了


整體上綠茶愛好者一定要來試試, 價錢可接受 (除了brownie外), 因為我覺得杯綠茶真係好好飲。
不過都幾多人來試, 所以有機會要等位。

2014年9月1日 星期一

R 的日與夜 ::: 食物玩味體驗 (夜篇)

第一次食salad有整整半棵菜上碟的確好驚奇....
而且仲有好多食物款式都幾得意, 係邊度? 我就現在帶你地去睇下喇~


位於尖沙咀的R&B Research & Bakery。當晚7月26日星期六晚上約8時15分到達, 要每位客人親自在紙上寫下名字及人數這點我覺得有點奇怪!
等位人數實在太多, 店員竟然說可以到樓下光顧Applegreen, 這刻才知道原來是同一集團。Applegreen已食過幾次, 想試R&B (未試過), 決心繼續等, 幸好劃分某部份來等位, 而且還有椅子坐不用企到腳仔軟。


好不容易等了一小時入座, 餐廳感覺有點似課室, 這張是10時多大部人客人走了時拍的。


一小部份的open kitchen, 可以看到部份飲品是怎樣調製, 望上去有外國歌星mv睇~


menu就是一張雙面印滿英文字的紙張~
R&B 的賣點是大部份食材都是自己homemade的, 有部份菜式可選不同的size。


GRILLED LETTUCE (S $52, L $88) 這個是經店員推介的, 沒想過上檯的賣相那麼有趣~~XD
將芝士、芝麻、海鹽、沙律醬等放在生菜, 然後烤一陣就上碟~好濃郁的芝士香味, 正!!


生菜好新鮮爽口, 咬下去會感覺到菜好"脆", 配上沙律醬、芝士味道絕不單調, 還會食到某部位的菜帶點少少苦澀味。
十分值得點這個, 賣相一流夠搞笑, 而且食多些蔬菜對身體有益呢。


FISHERMAN'S CHIPS $88
有炸海鮮、炸薯條、炸檸檬, 海鮮是根據每天的供應來決定。


海觧就有魷魚, 都算彈牙, 炸檸檬食落都幾得意, 酸酸的。
而薯條正如menu所說是shoestring potato鞋帶一樣的幼身, 不過好乾, 要靠有芝士碎的沙律醬一起點入口, 仲衰過麥當勞薯條。


ICE CUBE + MILK $52 (coffee / chocolate)
這個是網上睇openrice推介朋友點, 我自己不好奶同朱古力。
有2條朱古力bar、熱牛奶、橙皮、香葉


先將熱牛奶倒在有朱古力條的容器內, 熱撞冷關係好快就融化了~
再按自己喜好放橙皮及香葉, 的確幾好玩, 不過味道正如朋友沒什麼特別了....


本打算點洛神花soda, 不過賣完了..><
亳無頭緒下點了店員推介的VIRGINRITA $42 (lime/yuzu/cranberry), 當我問了到底是什麼來的, 店員就是什麼 (忘記了名字) 的無酒精版, 我覺得好似無答過我一樣....就是但點了青檸味
青檸味梳打水, 杯邊就是鹽


原來鹽跟青檸梳打一併飲青檸味道更突出, 都幾好飲~


BUTTERMILK FRIED CHICKEN BENEDICT $108
這個也是網上推介, 因為一向喜歡食benedict, 好期待, 可惜....
不是我食開那款egg benedict, muffin包應該是好脆乾身的, 而R&B是較濕潤稔身的。醬汁 buffalo hollanddaise 帶了辣粉對我來說太辣, 蛋ok, 炸雞塊炸粉太厚, 我只將入面的雞肉食掉。
第一次食到benedict 咁難食, 而且$108 唔值得!!!


CARAMEL PARFAIT $46
完全是為了這個甜品而來的, 因為網上睇到圖片是紫色花花, 像一件藝術品一樣~
可惜當我點的時候變了橙色花既, 原來是按每日當天新鮮的花來選。


感覺有點像雪糕, 上網查 "Parfait" 是芭菲的法文, 以雞蛋和忌廉為主要原料的冷凍甜品。
有nuts, berries, citrus, 食雪糕都ok, 但不好太多nuts, 味道一般, 我點都是為了拍照...哈哈。


LEMON TIRAMISU (S $48 / L $82)
甜品只有4款選擇, 點了這個不算太熱評的甜品, 卻是令人有所驚喜!
第一賣相好得意, 好似較早流行的盆栽一樣。有mascarpone芝士及lemoncello (意大利檸檬酒) 製成, 檸檬味不算好突出, 反而覺得mascarpone芝士幾幼滑, 不喜歡的可能會覺得太甜太漏, 上面鋪滿可可粉, 像芽菜的草好青味, 中間及底層有蛋糕, 少了傳統Tiramisu的咖啡香味。

有位店員我都覺得幾細心, 講解菜式都算詳細, 而且甜品還等我們完成主菜才上 (因為我見還未上忍不住問了...)
結賑時還送上橙皮糖, 不過太多糖不是太好, 哈! 中等價錢, 最不值是點了benedict....
但我覺得可以再試~

Lancôme Génifique 小黑瓶。轉季好幫手

春天轉季肌膚相當不穩定,我皮膚屬於混合性偏乾,潮濕易出暗粒、痘痘,有時也會敏感、泛紅。是時候需要Lancome 小黑瓶來幫我穩定肌膚。   小黑瓶精華質地是半水半精華狀,伸延性高。     小黑瓶 精華 在潔面後,第一個護膚步驟用,適量的活膚精華均勻塗面上,瞬間被肌膚吸收又夠清爽...