2014年1月1日 星期三

2014 第一擊 ★ Cafe 推介 ♥

今天難得是公眾假期, 趁有興致寫作文先~如果開學我又懶得不會做....而且工作都相當忙碌
昨晚除夕沒有出外倒數, 在公司OT到9時, 食完野回家洗澡都差不多接近12時.
然後去睡覺, 倒數又是差不多, 身邊還未有那個人, 不如早抖喇!
我下巴的暗瘡情況還是反反覆覆, 什麼產品試用都不申請了, 而且工作同上學忙到狗屎, 邊有時間做呢D...
寫文差不多半退休狀態, 哈 (暗瘡分享好想出...但未知何時, 哈!) 等最後3月中讀完書, 心情如何再決定~
喜歡食和勇於嘗試新事物的我會四圍搵食~
今次為大家推介一下cafe, 喜歡的原因環境大、舒服, 影相靚, 任坐唔嬲, 食物款式多, 什麼all day breakfast, toast, cake, pasta

The Squirrel Coffee and Kitchen
何文田梭椏道8號榮英大厦地下
因為有好正的眼線筆、精華、肌底液試用, 今次特意找朋友幫我和產品拍照
所以要選一個好靚的地方才可以, 11月就來了這兒試試

落地玻璃窗, 簡約設計, 令我好relax, 好似去了外國的cafe一樣

地方相當寬闊, 不會放太多檯

因為旁邊的的位子較窄, 選了窗邊梳化位, 影相一流~而且也有室外的地方坐, 好適合養狗的朋友們

連燈都咁靚! ^^

呢個係lunch set, 個湯同包都一般

跟餐的orange juice 同 朱古力砂冰 (好似), 飲品ok

menu款式太多, 選擇困難症了很久...最後終於揀了農夫奄列,配料有芝士、蘑菇、煙肉,火腿、蕃茄等等
味道不錯, 值得推介

卡邦尼意粉, 美味, 醬汁濃度剛剛好, 不會太膩

四周都有裝飾擺設, 幾有心意~
呢幅相影斜左...

當日很多照片....還有書可以睇同當作道具

全部裝飾品都好靚

食完lunch, 又想繼續坐之下, 再食第2 round 甜品及飲品~~

這個應該是jasmine tea, 太耐不記得~
可以無限加水, 抵飲不錯

其實是tiramisu, 外表都幾精緻, 食完上面的tiramisu, 還有最底下的橙味jelly~
不過味道不算太出眾

不知道early grey是什麼味道...所以好難講呢個蛋糕有冇early grey味, 不過蛋糕幾軟, 入口即融, 味道一點都不甜

點了食物, 又可以繼續影相...哈哈哈
真的很想去korea呀~~~


真係超好玩, dl app便可以wifi連接手機 (作為螢幕),  20.2 百萬像素同 f1.8, 用佢拍照同自拍都好正~
而且比相機size細, 相片更會save在手機, upload都極之方便~
以下幾張就是用QX100 "自拍" 下來~
我望著手機mon便知道是什麼角度

有時候自拍面部表情比別人拍的更好, 呵~

就算晚上的質素都不錯, 這個是在citysuper試完babyliss 捲髮器, 好自然~~不過千幾蚊唔買

我們在這裡食玩數小時, 走的時候也在門外拍照, 而且還拿了別人的杯作道具~癲左..

12月某天考試前要食d好野對自己好d, 今次就去了cwb ocio
Ocio
銅鑼灣登龍街36-48號登輝大廈D2舖
openrice睇過, carbonara出名所以一試, 份量及用料都十足, 價錢$6x 我覺得化算
還點了熱mocha, 因為上網睇相靚就點, 其實我不太好coffee~


來到Ocio 怎少得試waffle, 雖然好飽好飽...但甜品係另一個胃XD
又試了出名的Lemon Honeycomb Waffle~
vanilla雪糕見到一粒粒的雲呢拿籽, 算軟滑, waffle食落第一口幾酸下! lemon嘛..
甜的雪糕加上酸的檸檬和焦糖脆脆, 味道都幾特別既, 不過我下次再試classic waffle多d~
呢度價錢算合理, 有機會再黎過, 但我心目中no 1 waffle還是...green waffle diner (太多回憶在這裡, 所以很久沒有再食)


終於捱過了考試, 就可以輕輕鬆鬆去下街
之前上網search過 cafe eos, 環境一流, 雖然睇到食物comment一般, 但都想一試~

中午約1時到達, 只有2檯客人, 想拿起sony QX100拍照, 女侍應話不可以用相機拍照, 只可以手機...
老實說, 環境佈置真的不錯, 因為怕太揚決定由室內坐到室外, 不過再想拿起鏡頭
QX100拍照又被阻止, 侍應說因為要對包場客人公平點...
不明白是什麼道理, 但愈想愈激氣, 所以決定走人!!!!!!
出門口的時候還聽到死O靚妹侍應說 "無品"....呢2個侍應態度差, 絕對不會再有下次

怒走出去之外, 好彩朋友說附近都不少cafe可以一試
給我們遇到The Coffee Academics, 可說是先苦後甜
今次坐在一張好大的正方形檯, 中間有棵聖誕樹, 好有氣氛~
以下照片 (除最後一張) 都是sony QX100拍的~

menu好似咖啡弄, 原來佢是HABITU旗下

又是上網見到拉花很美, 又點了~

YEAH 我又自拍~

天氣太凍冷帽又可以出場, 似栗子嗎?

大無謂精神想試青蘋果雞肉PIZZA, 不過已經售罄~
點了簡單的芝士蕃茄PIZZA, 配料簡單, 但味道相當不錯
Jamie Oliver's Chicken in Milk
雞肉都嫩滑, 醬汁有牛奶、忌廉、紅蘿蔔等等, 中間白色器皿放著薯蓉, 麵包太硬未夠熱, 要沾醬汁才可以食

總括來說, 很喜歡這裡的環境, 好relax好外國, 侍應的服務水準都ok
下次可以再來~~~

希望有時間再出 "甜食" 推介文~

2013年12月21日 星期六

SHISEIDO IBUKI 我的年代我的名字

SHISEIDO 又來了, 這品牌的護膚品香味我一向很喜歡
今次試用是 IBUKI新漾美肌系列, 轉為Y世代肌膚設計。

Y 世代即是1981-1994出生的人, 針對粗大毛孔、暗瘡、乾燥等肌膚問題。


日語「IBUKI」指潛在的力量,是一種抵禦障礙的潛能,SHISEIDO相信肌膚與大自然同樣擁有潛藏的力量,對抗猶如寒冬的肌膚壓力,讓肌膚重回大地一樣復甦生氣。透過IBUKI系列,為肌膚注入新氣息,讓肌膚發揮內在潛能,告別肌膚煩惱,保持最理想的平衡狀態。

 IBUKI Gentle Cleanser 125ml    $230
蘊含海藻糖成份, 有效鎖住肌膚水分、溫和去除老化表層細胞

用起泡網可以造出軟滑輕盈泡泡, 洗面後肌膚很潔淨

在冬天使用後都不會有繃緊感覺

IBUKI Softening Concentrate 75ml   $260
揉合以細胞形狀記憶技術研發的新肌草本複合物為表層細胞「記憶」理想形狀,預防肌膚問題出現

我覺得比一般toner 質地較厚, 我混合性皮膚加上有暗瘡, 下巴不會使用~

之前上fb登記過3天試用裝, 有埋eye cream好正~

質地是乳霜, 我對眼長期有乾紋所以好適合, 但有些人可能怕潤會生油脂粒

IBUKI Refining Moisturizer 75ml   $380

多效乳液,從根本改善粗大毛孔、暗瘡印和乾燥造成的粗糙問題,整天提供卓越補濕效果。傾注源源水分,穩固對抗肌膚煩惱的肌禦力,締造更柔滑細緻膚質。

質地真的較滋潤, 所以我都不敢全面使用 (特別是下巴位置), 所以是否可以改善暗瘡印就不知道。香味我喜歡, 但這系列的產品不太適合我現在的皮膚狀態使用了~

2013年12月19日 星期四

暖入心 ♥ 披肩 ♥ fashion必備

這幾天很寒冷, 最低都有10度, 我在新界地區更低...
幸好有個溫暖新歡, 有外表同有內涵 - 披肩
從前買披肩都只留意靚或唔靚, 買的多數是街邊$20 到鋪頭百多元都有。
上星期六有機會去了一間專賣披肩的公司 (Scarfesia) 參觀, 位於旺角廣東道, 我覺得位置有少許偏僻, 不過是公司不是地鋪沒所謂。

一看到他們的裝修不禁"嘩"一聲, 因為真係好有古典味道

好戲在後頭, 當然還有成千上萬款的披肩~

令人花多眼亂, 好想每條試帶一下~ ^^

印花、釘珠都有

呢條幾特別, 有我喜歡的星星圖案

不喜歡釘珠的話, 也有其他選擇

披肩薄又輕身, 夏天在冷氣地方或秋天都用得著, 買多幾條都不佔太多地方, 哈哈!

淺綠色也是我心水, 實在太花心喇~

幾流行的穿隆款式都可以見到

呢條披肩除了有染有顏色的線外, 還運用特別的剪裁法, 在不同地方有不同的顏色, 很花心機
這條我都好喜歡..

經過一會兒的心理同選擇困難症後, 便去了公司最最最靚的房參觀。
很少對外開放, 可以放在這間房的披肩, 閒閒地都幾千到幾萬不等, 有機會一看好幸運~

什麼cashmere, pashmina 就聽得多, 大家知道有幾幼嗎?

其實我cashmere, pashmina的披肩未見識過, 但終於有機會將pashmina披上身~
有料不需要花巧, 所以簡簡單單的色來突顯pashmina
每條披肩都是印度傳統方法人手製造, 時間可花上幾星期甚至上年
底面不同色的披肩 (下中圖) 和 師傅有時會在披肩綉自己名也有 (下右圖)
當天我以$600買了這條披肩, 因為出外的店鋪都要千幾蚊
Scarfesia 母公司是印度最大規模的羊毛披肩廠家, 製造及銷售印度羊毛披肩為主, 所以質量相當有保證

我呢條有顏色線、釘珠、特別剪裁法, 手工好精細
50% wool 50% cotton, 一披上頸即時感到溫暖, 質地好真係唔同~
全人手製作, 披肩底都唔dry 
因為pattern靚, 帶法都不需花巧, 簡簡單單披上就可以。
披肩我要有足夠的長度, 繞一圈到肚臍位置就差不多, 呢條2米長好合我心意。
好心動? 你地唔會得個"睇"字, 今次有個讀者優惠, 上去購物全單買滿$600, 就可以減$100~
別以為條條都幾百蚊, 最平$200都有條~

地址: 旺角廣東道1123號福安工廠大廈2樓
電話: 3422 3955 (上去前記住打去問辦公時間喲)


預祝大家聖誕快樂, 過一個開心又溫暖的節日。hehe



2013年12月8日 星期日

♥ 人生中第一枝超平眼線筆 + 眼睛護理小心得 ♥

又到聖誕~又到聖誕~
聖誕又就快到, 大家有無打算點慶祝呢? 化咩妝出街呢?
眼妝我認為係十分重要的一環, 又靚又大的一對眼容易吸引到人的目光, 哈哈 

畫眼妝點少得眼線筆呢?
今次試用my princess 提供的Candy Love 持久眼線筆 

佢有黑色及啡色, 一支都只係$29

筆芯夠粗唔易斷, 而且軟硬度適中

啡色原來帶點金銅色, 我都幾鐘意~

眼線筆當然比眼線液易掌握, 數分鐘就可以完成

不用花巧, 眼妝簡單點都可以

除了當眼線用之外, 畫粗一點就可以當眼影用途, 岩晒懶人, 哈哈

第一次遇到眼線筆咁平$29, 一個tea 都食左, 買枝放在化妝袋或公司以備不時之需!
佢筆芯唔硬唔會整痛眼皮, 單用佢都會有少少黑色跌在眼肚, 不過我用咩牌子都會....化全妝就例外喇~


化妝後當然要卸妝, 記住是十分重要~
因此, 我買了日本 Rohto 樂敦 Lycee 小花 洗眼水 80ml 試試

洗眼水適合平時喜愛眼妝又擔心卸妝後眼睛裡會有彩妝殘留及經常佩戴隱形眼鏡的人, 洗眼水有效的清除眼部的彩妝殘留及細菌。

包裝粉紅色真係幾靚~~~我唔like都要讚讚

使用方法請在清潔眼部周圍後使用。倒入5mL(杯子の內側の線止)。臉朝下,將被子對準一邊的眼睛輕壓住。輕輕擠壓凸起部數回臉朝上使用時,注意藥液外流不要持續10秒以上。倒掉杯中的液體、洗乾淨以後按照同樣的步驟清洗另一隻眼睛。洗過一隻眼睛的藥水千萬不要再洗另一隻眼睛。

洗眼水有點涼涼地, 不知道是否確實可以殺菌, 但我長時間帶隱形眼鏡和有時化眼妝, 洗下對眼都好既~~


Candy Love 眼線筆由MY PRINCESS 提供 
http://www.myprincessyoyo.com/ 
facebook: https://www.facebook.com/#!/myprincessyoyo 
instagram: myprincessyoyo

Lancôme Génifique 小黑瓶。轉季好幫手

春天轉季肌膚相當不穩定,我皮膚屬於混合性偏乾,潮濕易出暗粒、痘痘,有時也會敏感、泛紅。是時候需要Lancome 小黑瓶來幫我穩定肌膚。   小黑瓶精華質地是半水半精華狀,伸延性高。     小黑瓶 精華 在潔面後,第一個護膚步驟用,適量的活膚精華均勻塗面上,瞬間被肌膚吸收又夠清爽...