2014年7月21日 星期一

My First 泰國遊 20130425-0428 (Day 1 dtac電話卡/Super Rich/Yum Saap/Amara Spa/Kobune)

我一向怕熱、怕曬, 又唔識游水, 所以陽光與海灘的國家與我無緣...
誰不知上年2013年我個蕃薯家姐話我生日準貼我一半去旅行wor, 那時候又岩岩失戀, 出去散下心都係一件好事~
2013? 你無睇錯, 係我超懶 (藉口中間一年進修Diploma、又要寫試用文呢)...
今日放假就打算去清一清自己想寫的文章

你見到我同麥當勞叔叔做呢個手勢實估到係咩國家 XD
就是泰國 sa wa di ka

當時正是潑水節, 好多機位都full晒同貴, 最後在專業旅運 (唔太鐘意呢間, 但無選擇) 訂酒店+機票package $4900一個人
我覺得都幾貴, 不過我只有4月尾既期ok (5月要番學), 咁突發的旅行, 要俾貴D都無辦法~
揀左班晨咁早0705 boarding time既機, 因為下午機又貴幾舊水, 好彩搭第一班A43車趕到
飛機椅又幾colorful幾靚, 飛機餐繼續唔好食


機程約1小時40分鐘, 泰國比香港慢一小時, 記得較番隻錶先
泰國Bangkok機場都相當大~~

首先一定要買張電話卡連上網, 我們在機場內的 Dtac center 買 happy tourist 3G卡
要出示護照登記, 個plan 包100 baht free call 同 7月內無限上網 (3G/wifi)
依家出外去旅行上網真係好重要, 除左可以fb upload相、同朋友whatapps, 最重要係可以上網搵資料, google map 唔會蕩失路

由機場到酒店, 選擇一個最平的方法, 搭Airport train 再轉 BTS (即係香港mtr)~
去到車站買車票, 建議搭藍色線車, 只有一個站連接BTS, 就是尾站的Phaya Thai, 費用只需45Baht!
由機場到Phaya Thai約30分鐘車程

我們搭的便是藍色車, 紅色的是EXPRESS, 直逹連接MRT的Makkasan!

搭Airport train 出來看到的藍天白雲

到達尾站的Phaya Thai 落車轉BTS, 太口渴求其買杯野飲, 不過唔好飲....
去泰國有個壞處就是不是每個地鐵站有扶手電梯, 慳錢搭火車就是要自己拎行季上上落落, 係一個體力的考險。

由 Phaya Thai 搭到去酒店 Ratchadamri站 只有一個站

月台上都不算太擠迫, 可能不是上班下班時間~

揀 Grande Centre Point Ratchadamri 酒店原因除左近機場外, 就是與 Ratchadamri bts 站約5分鐘路程
直行一段路轉右就到酒店喇!!~~~

153/2 Soi Mahatlek Luang 1, Ratchadamri Road, Lumpini, Pathumwan, Bangkok 10330
Tel: (662) 670-5000

五星級酒店真係唔同, 好靚好grand~
雖然不是大部份時間留係酒店, 難得去旅行當然要嘆, 唔好太待薄自己。
而且我有少少潔癖, 我怕3星4星個d dirty有小強呀!!!!!~~~




check in 後上房, 如果有酒店人員幫你拎行季上房就要俾小費
我地第一次就中招....
入到房好大好舒服呀~~~~

望出去個view都好正

可以煮野食, 洗衫又得~插頭係3腳唔駛拎travel adaptor
床旁邊有張梳化, 因為我唔記得影成張梳化, 只好擺有我個人搽野既相上去 XD


休息一陣就去對換泰幣先, 其實之前係香港沙田 生生 (沙田中心三樓商場22K) 我都對換左少少先 (好似最少HKD1,000)
上網睇話Super rich 對個rate高D, 近central world 附近一個商場 (又係搵左一段時間)
Super rich 橙色招牌果間
Superrich Address : 67,69 Ratchadamri Rd. Lumpini, Pathumwan Bangkok. 10330
25/4 對HKD5,000 rate 3.7
27/4 對HKD2,800 rate 3.73

之後想去食雞飯, 又係搵左好耐都搵唔到, 2個都係路痴無辦法
於是求其入番商場big c 食野填飽肚先算, 因為實在太熱又曬無心機了~
呢間 Yum Saap Ratchadamri (我keep晒d單成年, 所以可以搵番價錢同資料XD)
左上排骨湯同飯 $85 baht
左下沙律 $55 baht
右係炒金邊粉 $85 baht
估唔到水 $15 baht同冰 $6 baht要收錢 
味道比想像中好, 個排骨肉湯幾好飲~泰國好多收費要俾7% vat, 不過就無加一

黎到泰國梗係要做spa, 今次4日3夜行程, 預左2日做spa
Amara Spa Co., Ltd
496-502 Amarin Plaza 3Fl., 22,23,25 Ploenchit Rd., Lumpini Patumwan Bangkok 10330 Thailand
住呢間酒店實在太方便, 都近大型商場central world, big c, 其實行去就可以, 連搭bts都唔駛!
臨食晚飯前做個spa先, 搵呢間Amara又係搵左一陣, 第一日真係唔太熟路~
Amara Spa 係個小商場內, 點解揀佢? 一來近酒店, 二來想試下用jurlique產品做facial~~
幫我做facial既時候手勢超級溫柔, 掂你塊面好似R痕咁, 仲搵紙巾撩我鼻隆, 我受唔到打噴嚏, XD
facial無乜特別, 只係幫你面部按摩一下, 而body massage 都一般喇, 所以我都唔推呢間
價錢約 $1,680 (現網上價錢$2,000 8折後) 又要俾埋貼士, 真係唔多抵


晚上未決定食什麼, 只是周圍係商場逛逛

想食日本野, 不過想試個間超貴, 於是又誤打誤撞去呢間
叫左set 3

另叫杯飲杯, 無咩印象, 應該唔算好好飲
沙律ok, 魚生飯我一向唔好, 覺得佢好怪, 鐘意食壽司多D

不過呢個 海膽紫菜炸魚蛋卷 唔錯

隨後行下商場, 睇到wacoal, levis 都唔係好平無買...
蕃薯家姐買左好多boots 洗頭水、護髮素、沖涼, 唔重唔買, 其實我地2個人得一個o急, 佢無諗過走個陣無扶手電梯要拎o急上去....無言


2014年7月19日 星期六

泰 fusion happy Friday

Greyhound 在泰國都幾出名, 上年5月去曼谷旅行都食過一次。隨後在香港也成立幾間海外分店, 其實我係旺角分店都食過2次, 今次第3次就作一個簡單的分享^^
位於旺角新世紀分店地點就腳, 地方算寬敞, 星期一至四晚餐時段人數少walk-in也可, 不過五至日想食就建議book位。


門口的甜品陳列櫃十分精美, 望住會流口水..!!  大概已想好點什麼甜品(其實主菜都未諗....)


飲品推介友人點主打凍檸茶(每次我都飲), 這不同港版, 是用青檸, 最重要的是冰亦是茶製成, 這樣茶味便不會淡。


試得凍檸茶多, 於是我點了healthy cocktail 系列。這杯名叫Pink Journey (士多啤梨、蘋果、青檸) , 粉紅色的果汁配紫藍色的杯賣相的確一流。蘋果味較特出蓋過了其餘的生果, 而且飲時有粒粒碎冰(因為必需加冰打成), 所以我下次都繼續飲凍檸茶吧~


點菜當然最好就是淡到濃味, 這個越式鮮蝦雞肉米紙卷, 配有生菜及醬汁。

我一向好喜歡食有生菜包的菜, 如中式生菜包、韓式燒肉亦用生菜包燒肉來食。這個米紙包著蝦、雞肉等等, 米紙卷加上少許紅色醬汁(少少辣), 再用生菜包來食, 感覺好清新, 當作頭盤沙律是一個不錯的選擇。


泰菜令我聯想到生蝦, fusion關係變了薄切三文魚配辣汁, 刁草同三文魚一向好夾, 上面鋪了刁草、蒜片及特制泰式辣汁。將三文魚放進口中, 辣同刁草清新味刺激著味蕾, 而且蒜片可有助殺菌, 我一向少食辣會覺得刺激, 不過會想繼續食第二第三塊。這個會是每次到這餐廳必點食物之一。


Pita Pizza with Italian Sausage 望上去似墨西哥餡餅, 有意式香腸、mozzarella芝士、蕃茄。一口咬下去, 餡餅好鬆化好脆, 似酥餅質地, 粒粒意式香腸、蕃茄配合濃郁芝士味, mozzarella芝士更可一絲絲拉出來, 有少少微辣, 味道相當有層次感。



泰式另一出名是炸蝦餅, 而這道是炸粟米蟹肉餅, 十分脆口但不會太油, 內有粒粒粟米好爽口,  附有甜酸汁可帶出另一種味道來。



除頭盤小食外,當然也點了可飽肚的粉麵類, 這個泰式炒螺絲粉就像金邊粉變奏版, 不過炒螺絲粉有朋友會覺得太硬, 但我可以接受。



主菜完了, 最重要當然是甜品, 繼續encore Mixed Berry Crepe, 賣相也是很吸晴, 一圈圈的雜莓醬, 中間更有用3粒莓砌成的小心型圖案相當有心思。



crepe就是好薄的pancake 塗上忌廉、雜莓一層層梅花間竹而成, 將crepe放入進口, 忌廉是十分幼滑, 再配上甜甜酸酸的雜莓中和單食忌廉的滯肚感覺, 這個又是每次到Greyhound必點的甜品之一。

2014年7月15日 星期二

放下繁重腳步 走進玻璃屋

香港人工作繁忙, 食無定時, 今次難得跟朋友聚會, 不想在尖沙咀、旺角擠迫之餘又有用膳時間限制。短短時間到底是食飯好還是傾計好呢? 為了跟朋友暢談之餘, 也要享受美食, 就試一試港島區 IFC 4/F Glasshouse, 內進時候看到落地大玻璃, 名副其實玻璃屋。而且樓底相當高, 完全沒有壓迫感。


除了文字menu外, 也有平板menu, 色彩圖片往往比文字吸引, 相片拍得太靚太吸引, 選擇困難症開始出現, 幸好waitress提議不如先點飲品後點食物吧~


相片相當吸引, 好期待實物來臨~
飲品方面waitress 提議 BUTTERFLY RAINBOW ICE TEA 系列, 當中的Butterfly Pea Tea 蝶豆花茶對皮膚好及提高免疫力, 而且看到大部份檯也有點, 貪靚又愛色彩的我們豪不猶豫點了, 我的是mid night Gloria (主要有熱情果、西柚、青檸等等)。


點解有2杯飲品呢? 原來是將紫色的蝶豆花茶 (單飲沒有什麼味道) 倒在黃色的Grapefruit Passion

紫色加黃色, 係我最鐘意既顏色~
第一口感覺到熱情果及西柚的醒神甜酸味, 之後青檸味道慢慢走出來感覺好fresh! 別以為熱情果及西柚會很酸, 如果份量調較得好就沒問題。因為有冰飲到最後味道會太淡, 建議少冰!


蠔一向不太愛好, 不喜歡肥大肉厚充滿海水味的蠔。今次朋友想試下, 每人一隻都ok。

第一次食生蠔配上青檸汁, 第一口食落海水味不重 (有青檸味中和), 再少少類似辣椒粉伴埋一齊食, 上面有一粒粒魚子完全沒有腥味, 像食西米一樣, 的確有點驚喜, 想食多一隻!


健康選擇當然不少得沙律, 配上炸溏心蛋及珍寶軟殼蟹, 絕對不會單調。


首先用刀切開中間的溏心蛋, 讓蛋黃流出來跟其他配菜拌好, 羅馬生菜好新鮮, 配上蛋汁及沙律醬好夾, 而珍寶軟殼蟹的炸皮不會太厚。沙律清新感覺中和了炸物軟殼蟹, 有互相平衡作用。


這天穿的湖水綠跟杯飲品好襯, 呢個角度影晒幾款美食, 那一款美食是我再推介呢?


當炸薯條遇上黑松露醬, 原來好有化學作用, 就係食唔停口。帶有鹽味炸薯條沾上黑松露醬, 帶點黑松露香味, 也有少少酸酸地開胃。最重要食物即點即整, 夠熱夠脆, 而且食物點後很快一齊上檯, 還可以跟朋友來個合照。


黑松露醬調得剛好, 不會太稀身。薯條不再是跟茄汁一對了


晚餐最後怎少得甜品, 就算食得多飽, 總有第2個胃食甜點才是一餐完美句號。這個是香蕉咖啡布丁, 其實是將rum油倒在香蕉布丁上燒一陣 (視覺效果一流), 然後再倒咖啡。首先嗅到咖啡香味, 再來一口香蕉咖啡布丁, 香蕉是很熟很有香蕉味, 布丁亦都很滑, 這一份creme brule大約8個湯匙左右, 其實我一個人都可以食得完, 不過少食多滋味呢...


跟朋友暢談整整2小時, 由緊張心情變得輕鬆, 走出門口又要努力新一天的工作。希望下次能在下午時間用餐, 在落地大玻璃仰望藍天白雲又何其寫意呢! 


Lancôme Génifique 小黑瓶。轉季好幫手

春天轉季肌膚相當不穩定,我皮膚屬於混合性偏乾,潮濕易出暗粒、痘痘,有時也會敏感、泛紅。是時候需要Lancome 小黑瓶來幫我穩定肌膚。   小黑瓶精華質地是半水半精華狀,伸延性高。     小黑瓶 精華 在潔面後,第一個護膚步驟用,適量的活膚精華均勻塗面上,瞬間被肌膚吸收又夠清爽...