聞名不如見面 @ Kenjo 見城

見城早幾年前已聞其名, 不過那時候餐廳休假關門而落空。最近跟舊同事去棉登徑食午餐再度提起見城, 於是就訂檯食個午餐, 因為聽同事說晚餐收費較貴, 午餐相對地較抵食。
估不到到達見城已坐無虛席, 所以想食一定要訂檯!

點了$190+10% 壽司套餐(蒸蛋+面豉湯+八款壽司+卷物+甜品/餐飲)。

蒸蛋幾滑, 有冬菇、蝦、銀杏等等配料

不過我覺得同元氣食的差不多...

因為我們坐bar檯, 師傅整好每件壽司就放上去, 不過放壽司落點未純熟, 例如放了第1舊在中間, 之後第2舊壽司又要移動第1舊的位置, 感覺好似未夠專業。

而這是朋友點的

8款壽司不能重複, 令我有點失望, 因為我較喜歡食三文魚壽司。不過最後選了(由左到右) 雞蛋、甜蝦、(忘記什麼壽司)、墨魚、三文魚、瘦吞拿魚及下圖的海膽。卷物就是瘦吞拿魚卷。
壽司飯比街外的份量較小, 不過手握的壽司飯較黏及暖, 配上魚生感覺不錯。大部份味道都不錯, 材料夠新鮮。而瘦吞拿魚印象較深刻, 因為我一向不好吞拿魚, 原來好味的吞拿魚壽司能入口即融, 可惜有少少筋, 舊同事說BB吞拿更好食, 可惜當時已售罄!
而卷物的紫菜很脆, 不會林的。而我又再挑戰海膽壽司, 因為我一直都討厭其味道.....好幾年前係日本食過都是我認為"臭"的味道!! 一放海膽壽司入口, 繼續令我失望, 舊同事都說今天海膽是失準, 我應該不懂欣賞這美食吧!

左口魚壽司- 我平時點壽司好少食魚類, 多數是三文魚。因為不能重複壽司款式而點了它, 結果有點驚喜!
魚肉咬落有點脆身, 再配上蔥食感覺不俗。

最後甜品是雪糕, 我選是綠茶而舊同事是紅豆, 兩款味道都幾正, 好有綠茶同紅豆味XD, 而且不會太甜剛剛好。

試一次都OK, 不過午市實在太多人, 侍應也忙不透支, 服務水準及態度相對地影響了。