2013年9月20日 星期五

Erno Laszlo。期待太多

較早前U beauty 抽中出席 Erno Laszlo event, 未去之前真係好開心~~~因為我真係好期待想試佢好出名的潔面皂...



當日有介紹到潔面皂使用方法同潑水法, 還有model 示範peeling 同面膜粉皇牌產品



已經遲左開始, 本來打算大會有飲品及食物提供, 點知!!!....
等Erno Laszlo present 完, 原來要整cupcake!! 8點幾先有水同3件好細的fruit tart食, 好多bloggers都係收工趕過來, 仲要挨肚餓個下我真係好唔開心
我知道租借個場easy123 係整蛋糕公司, 所以cupcake一定要整....
不過當日都好高興識到新朋友yuki~~


event 已經超時45mins, 最後得到的試用品?! 還是sample?!
個一刻心情簡直跌落谷底, 係event 介紹黑色潔面皂有幾好都無用, 因為連小小sample 皂都無俾bloggers試, 無野好講~


Erno Laszlo Transphuse Day Serum
抗衰老產品, 香味不太喜歡, 但都幾快被皮膚吸收



佢保濕度提升都做得不錯



Erno Laszlo Luminous Intensive Cream
用完保濕度仍然一樣, 而且質地太潤, 適合乾性皮膚或冬天使用



Erno Laszlo Firmarine Moisturizer SPF30
佢推介隻防曬好透薄好正, 但對我來說並不是! 太潤太lup, 好似焗住皮膚



Erno Laszlo Firmarine Night Cream
呢款面霜香味我都幾喜歡, 比另一款較好, 質地水潤較清爽!



其實Erno Laszlo都送左呢個面部護理, 不過我打電話去book 差不多好多日子都full 晒, 幸好可以俾我預約10月日子
所以我唔等出文先...

2013年9月15日 星期日

L’Oreal Paris ☆ 顏色奪目 + 實色易塗 ☆ 盈彩晶亮甲油

一個星期六下午, 在尖沙咀某cafe在品味咖啡
今次當然不是介紹咖啡吧, 而是...


 


而且指。甲。油



L’Oreal Paris Color Riche Le Vernis
盈彩晶亮甲油
$40/5ml 一枝

第一次寫指甲油試用~~申請因為顏色好吸引、好實色、同不是閃粉 (洗都方便d XD)。
5ml 咁細支既size好岩我, 不過$40 感覺上貴左少少, 如果專門店生日有7折就抵好多。



12種色調 - 我最想抽到藍、綠、橙都中左~~






後面已註明色號及名字







掃頭比一般的闊及扁身, 取適當指甲油, 在甲面掃一下就差不多完成。


呢隻綠色原來有少少難handle





透明玻璃樽設計, 方便看到餘下份量

好少搽呢隻桃紅色, 睇落去好似不錯, 但我自己有少少不習慣, 不太喜歡粉紅色系列...

甲面好順滑, 都幾有光澤度




至於藍色同橙色我都好喜歡, 而且每款顏色塗出來跟原色好接近, 實色度好高


 





送上一張5隻色都搽晒俾大家睇睇



初時未知道什麼時候有試用, 所以剪左指甲!!! 效果不太好, 而且我太少塗指甲油, 相片希望唔會嚇親大家喇
產品及有關資料由是次產品由theZtyle.com 提供


2013年9月9日 星期一

化妝 ★ 眼影+ 眼線筆 + 胭脂 + 卸妝液 ★ 小分享

好少打呢類型文章, 當中是自購或禮物~沒未要打文, 嘻嘻...
希望小小分享希望大家鐘意

Maybelline New York Hypercosmos eyeshadow BU-1
自購 - 萬寧2件75折下購入 



counter有得試, 但我缺乏經驗, 結果..... 



顯色度不高, 我以下眼妝要用手掃好幾次才有色, 所以好失望, 或者我唔識用 :(



Maybelline New York Hyper Diamond GY-1
呢個係上次BE網上填Maybelline問卷送架~


顯色度好高, 好鐘意, 用掃輕輕一掃已經好上色~我只用了左灰色
眼影有5格但我唔識點運用, 哈 XD 要上網研究下
但我見萬寧好似已經無得賣...


Heroine make eye remover 剛好用完~
在4月生日月在LOREAL 購買呢隻remover有7折, 而jill stuart 就係家姐俾我既小sample



上網睇都好多人讚 loreal, 不過令我好失望...
我覺得卸妝力度不及heroine make, 要抹好多次, 而且較重油份, jill stuart 還比佢好一點


Make Up For Ever Aqua Eyes liner
呢個係BE網站抽中架~mini 版好cute, 又方便帶出街


好易畫, 筆芯好軟, 畫眼線好舒服


筆芯較粗, 所以延長眼尾眼線效果不太好
剛過去的星期日在家用了eye base再畫眼線, 出去食左tea同dinner, 其餘時間都在家
我係油眼在大約8小時後, 眼線除了已較淺色外, 有部份眼線跌在眼肚尾
如果我出去行街個眼肚會仲黑!!



Shu uemura 持久啫喱眼線筆 - 啡色
係上次去event 得到 (由植村秀提供, $190)
完全唔覺得似啡色, 筆芯好幼, 只可以扭出不能扭入, 所以要好小心



呢支係eye gel 同 eye liner 混合體, 筆芯軟畫上眼沒問題, 而且好幼方便畫眼頭及拉長眼線
不過呢支筆頭好幼, 所以消耗好大, 好快用完
well 用呢支眼線筆我都會有些跌在眼肚




為了眼妝更持久, 用完eyeliner pencil 後,我都會再用heroine make eyeliner 再畫一次, 咁樣一定唔會跌
而且呢支筆尖好幼, 初學者都好易handle, 用後一直是我心水, 暫時唔會轉 

Heroine Make 膏狀胭脂 03色
上次event 試過感覺不錯, 我一向用NARS orgasm, 不過覺得帶出街好麻煩
呢支細細支用手搽就可以, 而且淺粉紅色都適合我, 不過持久度就一般喇!!...


個妝完成左喇!! 眼線只用上植村秀及heroine make
呢家興帶頭cool, 我都買番個平平地趁下熱鬧先~~~但帶得耐唔舒服...
個cool 同頸鏈係旺中買, 每樣$35, 都算ok~~

2013年9月7日 星期六

最近愛上韓食 ♥ 甜品 ♥ 生活 ♥ 小分享

上星期六突然想食 Jap Chae 잡채 (韓國炒粉絲), 於是跑到位於尖沙咀Hungary Korean

尖沙咀亞士厘道24-38號天星大廈地下B號舖 (時常都有排隊人龍, 我星期六2點到達約等了10分鐘, 之後就好多人~)

呢個小食都要$32, 不過絕對沒有令我失望, 材料都幾豐富, 而且係唔辣架!
還有右上角加$9 plum juice (梅) 飲品, 甜甜酸酸好好飲~


壽司 - 睇到openrice推介, 當時我已經揀左炒粉絲, 如果又叫壽司怕好飽食唔晒
個心十五十六, 諗住揀下雞翼、餃子其他小食, 不過個個都推介既時候點都要試試
可以選不同的材料, 豬、牛、雞、魷魚等等, 我選了豬肉, 這個有少少辣不過可以接受, 味道都不錯!!




午餐食一次豪D喇~~~呢間可以再encore!!




轉一轉台先...依家講下日本菜
是咁的, 我係游游blog抽到麵水拉麵 免費 coupon, 地點好近地鐵站

麵水拉麵 Ramen Menzu
銅鑼灣駱克道470號地下


coupon可以免費享用$80 的拉麵, 我揀左普通湯底, 麵適中~
湯底唔算吸引, 但唔油膩, 蔥好多我幾欣賞, 麵已揀適中我都覺得較硬, 叉燒未夠林, 溏心蛋好味
其實$80 包埋溏心蛋比其他店平少些, 不過要俾錢我會去一蘭食, 講完~



之前係lazybone 抽到amika free blowout coupon, 所以昨天就是港島一天遊~
麵水拉麵 > amika > crumbs > school food



唔熟中環既路都幾難搵, 而且又多斜路, 依家唔算熱既都行到出晒汗, 下次都唔好搞
不過入面裝修幾靚, 有飲品提供 - 香檳、水同茶~香檳! 咁high....我最後都揀左水


我張coupon值$280, 包洗頭及造型, 當然可以揀較低價錢的造型或補錢包埋treatment
洗頭服務一流! 按摩得頭皮好舒服, 不過張洗頭椅有問題, 搞到我背脊濕晒!!! 佢幫我吹左一陣就算, 之後我成2個幾鐘先乾番, 加埋汗水, 我覺得我個人有陣up味...

幫我洗頭及造型呢位哥哥, 個樣好韓國feel 呀!!! 髮尾的紅色highlight好型!!
不過我頭髮太幼, 用捲髮器捲好似唔受力, 哥哥有少少唔耐煩, 哈~


整個過程一小時內完成, 比我預期中快~
我頭髮不太長, 所以是大卷~
仲有我呢衫係sixtyeight買的, 好似$50, 又可以當裙或衫著, 幾抵!!


卷的方向不同, 感覺會較自然



在地鐵來個自拍先!! 前鏡頭都ok bor, 哈哈哈



由cwb到中環, 又跳番cwb~
好耐無食crumbs yogurt, 原來已漲價到$33 (普通, 有2個toppings), 今次送曲奇餅碎
揀了mochi 燸米滋同桃, mochi 真係超級好食!!!~~~


我份人好簡單, 有得食就開心!! yeah!!




晚餐就來了時代廣場13/F SCHOOL FOOD試試
係openrice爬左文, 所以6點就來拎飛先, 都等差不多20張檯, 之後逛逛再上來等, 大約6:45 有位, 要8:00交檯




食物款式不算多選擇, 沒有炒粉絲
飲品價錢都幾貴, 普通凍檸茶要$2x, 較有特色已經是$50, 再一jar 要$88 (呢個4人點會較化算), 幸好有水提供

今餐好有殿粉質, 有飯、年糕、壽司, 一定飽!


蛋包飯, 茄汁好開胃, 還有泡菜、火腿等, 少少辣辣地



卡邦尼年糕 - 完全是卡邦尼味道, 不過我覺得同年糕唔match, 或者我不喜歡年糕的質地



紳士先生 (韓式餐肉及芝士雞蛋飯卷)
呢個超級推介, 要趁熱食味道最佳
咸咸地韓式餐肉與雞蛋飯卷味道中和了, 還有泡菜, 不過我好似唔覺得有芝士



呢個都可以encore既, bye bye~~



Lancôme Génifique 小黑瓶。轉季好幫手

春天轉季肌膚相當不穩定,我皮膚屬於混合性偏乾,潮濕易出暗粒、痘痘,有時也會敏感、泛紅。是時候需要Lancome 小黑瓶來幫我穩定肌膚。   小黑瓶精華質地是半水半精華狀,伸延性高。     小黑瓶 精華 在潔面後,第一個護膚步驟用,適量的活膚精華均勻塗面上,瞬間被肌膚吸收又夠清爽...