2014年7月15日 星期二

放下繁重腳步 走進玻璃屋

香港人工作繁忙, 食無定時, 今次難得跟朋友聚會, 不想在尖沙咀、旺角擠迫之餘又有用膳時間限制。短短時間到底是食飯好還是傾計好呢? 為了跟朋友暢談之餘, 也要享受美食, 就試一試港島區 IFC 4/F Glasshouse, 內進時候看到落地大玻璃, 名副其實玻璃屋。而且樓底相當高, 完全沒有壓迫感。


除了文字menu外, 也有平板menu, 色彩圖片往往比文字吸引, 相片拍得太靚太吸引, 選擇困難症開始出現, 幸好waitress提議不如先點飲品後點食物吧~


相片相當吸引, 好期待實物來臨~
飲品方面waitress 提議 BUTTERFLY RAINBOW ICE TEA 系列, 當中的Butterfly Pea Tea 蝶豆花茶對皮膚好及提高免疫力, 而且看到大部份檯也有點, 貪靚又愛色彩的我們豪不猶豫點了, 我的是mid night Gloria (主要有熱情果、西柚、青檸等等)。


點解有2杯飲品呢? 原來是將紫色的蝶豆花茶 (單飲沒有什麼味道) 倒在黃色的Grapefruit Passion

紫色加黃色, 係我最鐘意既顏色~
第一口感覺到熱情果及西柚的醒神甜酸味, 之後青檸味道慢慢走出來感覺好fresh! 別以為熱情果及西柚會很酸, 如果份量調較得好就沒問題。因為有冰飲到最後味道會太淡, 建議少冰!


蠔一向不太愛好, 不喜歡肥大肉厚充滿海水味的蠔。今次朋友想試下, 每人一隻都ok。

第一次食生蠔配上青檸汁, 第一口食落海水味不重 (有青檸味中和), 再少少類似辣椒粉伴埋一齊食, 上面有一粒粒魚子完全沒有腥味, 像食西米一樣, 的確有點驚喜, 想食多一隻!


健康選擇當然不少得沙律, 配上炸溏心蛋及珍寶軟殼蟹, 絕對不會單調。


首先用刀切開中間的溏心蛋, 讓蛋黃流出來跟其他配菜拌好, 羅馬生菜好新鮮, 配上蛋汁及沙律醬好夾, 而珍寶軟殼蟹的炸皮不會太厚。沙律清新感覺中和了炸物軟殼蟹, 有互相平衡作用。


這天穿的湖水綠跟杯飲品好襯, 呢個角度影晒幾款美食, 那一款美食是我再推介呢?


當炸薯條遇上黑松露醬, 原來好有化學作用, 就係食唔停口。帶有鹽味炸薯條沾上黑松露醬, 帶點黑松露香味, 也有少少酸酸地開胃。最重要食物即點即整, 夠熱夠脆, 而且食物點後很快一齊上檯, 還可以跟朋友來個合照。


黑松露醬調得剛好, 不會太稀身。薯條不再是跟茄汁一對了


晚餐最後怎少得甜品, 就算食得多飽, 總有第2個胃食甜點才是一餐完美句號。這個是香蕉咖啡布丁, 其實是將rum油倒在香蕉布丁上燒一陣 (視覺效果一流), 然後再倒咖啡。首先嗅到咖啡香味, 再來一口香蕉咖啡布丁, 香蕉是很熟很有香蕉味, 布丁亦都很滑, 這一份creme brule大約8個湯匙左右, 其實我一個人都可以食得完, 不過少食多滋味呢...


跟朋友暢談整整2小時, 由緊張心情變得輕鬆, 走出門口又要努力新一天的工作。希望下次能在下午時間用餐, 在落地大玻璃仰望藍天白雲又何其寫意呢! 


2014年7月13日 星期日

未夠半年已爛的bra bra, 好失望! Braologie

一直都想分享Braologie bra, 但太懶未有行動, 因為發生一件事我要即刻出文...
胸圍對於我是貼身的物件, 咪咪已經細所以我要更加好好保養佢地, bra我絕對捨得俾錢買! 唔同衫可以幾十蚊件就算~
選的都是幾百蚊....此終一份價錢一份貨~


上年開始有這個Braologie出現, 邀請好多bloggers試著, 見到好多好評, 所以決定去試身


這個牌子跟其他不同, 要先網上/電話預約 (可上門/到佢專有fitting room試)


2月10日到了cwb的fitting room, 一間商業大廈其中室, 有私隱度, 有一個人全程serve你, 綠色的地毯有種好舒服的感覺
佢教我正確著bra及撥肉方法, 建議bra要按時更換, 我記得如果3個bra就大約7-8個月後更換


我買了2個, 當時沒有什麼blogger優惠 (唔抵..), 每個約$3xx
還有試身後不是即時可取貨, 要等佢倉庫出貨, 係courier送貨, 用紙箱pack住保護性都不錯!


佢可以選的款式顏色好少, 得肉色、黑色 (下圖) 及黑色lace
已習慣穿矯型的bra bra (特點大塊布、杯位較大、幾個扣, 哈XD) 
之前穿的心口位頂到好痛.....所以想轉下其他牌子




為了更耐用, 我也買左洗衣粉浸洗, 之後再用毛巾印乾


比起peach john 的款式 (有時特價買好平), braologie 著左個型好好多!
我係平胸, 不過起碼著左braologie 自己覺得好睇d 先呀
同埋唔會好似其他牌子的矯型太緊谷胸, 著得好舒服!


將胸的肉好好包在杯內, 鬼鼠肉都會收埋


隔了10天, 我即時訂多個可以有3個替換~而且用埋$50 coupon 更抵


今次係用黑色公交袋, 寄香港郵政


分享了種種對Braologie的好感後, 可惜一個原因令我好難再回購!
就是7月初發現其中一個bra bra 爛左 :(


我在7月6日都whatapps 左braologie 公司問個明白, 佢解釋因為我太耐前購買 (我2月), 如果4月有機會換...
加上我詢問過我的手洗方法無問題, 只是5個月就爛我真係接受唔到.....我著過好多牌子的bra, 可以說好少出現這個情況, 只有個型變左我掉...
如果braologie bra 放係機洗....唔知耐用期又係點...好多女士都放在洗衣機洗, 好似我手洗的都少之又少


立係公司立場, 咁耐無得換係好正常, 不過在於我立場著左未夠半年的bra bra, 我唔會再買! 
每次見到D相我都嬲嬲地, 轉牌子~~哼

2014年7月8日 星期二

NUXE ::: 天然香水 ::: 晶亮全效護理油

已久仰 NUXE 護理油很久, 今次終於有機會一試!!


NUXE Multi-Purpose Dry Oil 
晶亮全效護理油 


高貴的瓶子盛載著金光閃閃的護理油, 是屬於NUXE Huile Prodigieuse 系列
放在家中作擺設或送給好友都很適合


法國製造, 好物~~
是噴咀設計, 不過我略賺100ml size 樽子太大, 長方形樽身太闊一隻手難於提起使用, 加上玻璃也易打爛, 所以用時候要加倍小心


晶亮全效護理油 蘊含30%珍貴植物油成份
高達98.1%天然成份 - 不含Paraben防腐劑、礦物油、動物成分 
蘊含6種珍貴植物精華: 澳洲堅果、榛子、琉璃苣、甜杏仁、山茶花和聖約翰草
維他命E, 結合橙花、苦橙、布拉斯李子、玫瑰、聖母百合、琥珀、香草、雪松木等香氣

這香味不是我首選, 這個味道太複雜及較濃, 我自己一向喜歡生果甜味或茉莉花味
不過只是用少量在頭髮、身體等部位, 問題不大

護理油質地好稀身, 塗在手背上迅速被皮膚吸收, 而且滋潤度足夠而不會有笠痴痴感覺


我習慣在晚上洗頭, 第二天起床頭髮一定好亂易打結, 用了護理油髮絲順滑, 減少毛燥, 而且在捲髮前使用有助保護頭髮


捲髮器的熱力及拉扯易對頭髮造成傷害, 護理油就作頭髮的保護屏障

summer 梗係要著短裙或短褲, 不過我的雙腿一年365天都好乾易出皮膚龜裂紋, 加上做了脫毛laser梗要好好保養~
用後肌膚得到滋潤, 好像閃閃發光, 而且有香味, 可以作天然香水~~

晶亮全效護理油是 "萬用油", 除了頭髮、身體 (手踭、腳跟特別乾燥部位更有效) 外, 面部也能使用, 我提議將面霜加少許護理油 (油性皮膚、暗瘡皮膚不建議使用), 除了保濕更有抗氧化功效。


是次產品由theZtyle.com提供



2014年7月7日 星期一

♥ Lumière 激光脫毛 ✩ 今年我少左個煩惱喇 ♥ Part 3 Final

張相有什麼其通之處? 就是每張都見到我對白白滑滑的手臂~ ^^


記得這裡令人舒服relax的地方嗎?

未有印象可以看回我早2次的脫毛分享~~

♥ Lumiere 最新 CANDELA Gentlelase Pro LE 755nm 激光脫毛體驗 ♥ Part 1 

♥ Lumiere 激光脫毛體驗。夏天前準備 ♥ Part 2

Lumière 專注提供肌膚再生和激光永久脫毛的醫學美容治療,選用獲美國食品及藥物管理局(FDA)及歐盟(CE)認可的美容儀器設備及產品,包括Lutronic, Candela, SkinMedica, Divana及Viora。

Lumière 除了擁有先進脫毛儀器 CANDELA Gentlelase Pro LE 755nm外 (美國鐳射協會認證全球最佳脫毛科技,內置AI人工智能系統自動檢測毛髮粗幼及深淺, 原廠DCD™專利冷凍技術保證脫毛過程安全及無痛) 還擁有專業細心的治療師。Lumiere所有治療師均曾接受為期3個月的專業入職培訓, 包括護膚產品、皮膚分析理論、激光應用理論,所有療程的原理及 儀器操作。而店內所採用的儀器獲得歐美審核並頒發的國際安全認可。
我每次進行脫毛療程都是由Jelly 負責, 佢好專業細心, 過程中我都好放心將我的body交俾佢, 而且第2天也會打電話關心有沒有不適的情況。我朋友有join過D記的脫毛, 差不多每次脫毛的治療師也不同, 好難跟得足~



Diode 810nm 我做過underarm, TKS 755nm 試過 (trial)。而underarm 我就是幾年前購買B記, 每次療程都好痛苦, 因為用得脫毛膏太多造成undearm皮膚好乾, 差不多進行了十幾次療程, 毛毛仍然頑強地跟我say hi。而且只有一年保養, 到現在我還有幾條毛髮....


Lumière 統計數據 一次脫毛療程可令毛髮停止生長多達25%, 完成4次可達至90%以上, 效果保養至永久, 755nm激光波長經醫學實證對黃皮膚及白皮膚最為有效。

短短幾個月進行4次療程已經解決我的煩惱, 不用去十幾次節省不少時間,而且永久保養, 我認為是一樣好值得投資的美容項目。
現在分享一下我的白滑成果~~~家中的剃刀、脫毛膏可以通通掉走

激光脫毛除了阻止毛髮生長外, 膚色比之前更白, 而且無毛皮膚梗係滑左!!

夏天唔駛遮遮掩掩, 如果用剃刀剃得多毛髮會好粗, 我試過在街上身邊有女士的手臂不經意跟我擦過, 我覺得好吉好鞋, 應該就是用得剃毛刀多的副作用。

最後當然有before & after, 有圖有真相~~我手臂的毛未算好多, 不過用得脫毛膏多, 毛更生得快、更粗、更密。

做了激光脫毛, 亦都要好好保護肌膚, 我好勤力早晚塗保濕, 日頭更要使用防曬。 


試了Lumière 脫毛後, 我自己都真金白銀購入小腿等多個部位, 依家夏天我少左個煩惱, 每次出街著短褲短裙唔駛再睇有無"毛" 係度~~~


是次療程由Lumiere 肌源再生專家提供
本人純屬分享個人意見,效果因人而異。
LUMIERE肌源再生專家 Website : www.lumiere.com.hk

2014年6月23日 星期一

防曬 ☼ 肌膚零負擔 ☼ 點止咁簡單

一年四季都要防曬, 炎炎夏日更特別需要, 因紫外線實在太強了, 我不怕夏天過後變了黑豬豬~


La Roche-Posay UVIDEA AQUA Fresh gel水凝防曬隔離液 SPF30 PPD18 PA++++ 
La Roche-Posay 的產品我未用過, 不過已聽聞是敏感肌膚必用, 皮膚科醫生推薦, 所以我好放心去使用。
樽寫著made in france, 但又有日文字, 是否會奇怪呢? 
其實這款最新推出嘅水凝防曬隔離液是由日本東京研究院與La Roche-Posay一同參與研發, 令防曬功效不再限於美白, UVA保護力更超越PA++++, 專利技術能阻隔會造成深層傷害的長波UVA, 可以抗老化、灰黃、暗啞、細紋、色斑、敏感、膚色不均等問題


配方含有抗UVA 的過濾系統及MexorylR XL,有效抵禦長波UVA 。蘊含La Roche-Posay 溫泉水,有效舒緩、鎮靜、抗老化。


UVA防護指數高達PPD18, 有效防止色素、膚色灰黃及光老化問題, 令肌質保持健康
通過亞洲敏感皮膚測試, 醫學級防曬好值得信賴
每天早上於在最後的護膚程序後使用, 可當化妝底霜, 質地好好推外, 透薄得不像防曬, 肌膚零負擔


別忘了頸部及身體也很需要搽防曬 ^^


總括來說, 第一塗上面真的很貼薄, 很喜愛無黏膩感無負擔的感覺, 而且用後沒敏感爆痘痘 - perfect!!
星期六整個下午為了拍照, 在showcase bread n butter 室外high tea、在大空地、大部份都是室外地方。
用佢來作底霜, 妝容持久度都算高, 保濕度高所以泛油機會也較少。 - perfect!!!


產品由品牌提供

Lancôme Génifique 小黑瓶。轉季好幫手

春天轉季肌膚相當不穩定,我皮膚屬於混合性偏乾,潮濕易出暗粒、痘痘,有時也會敏感、泛紅。是時候需要Lancome 小黑瓶來幫我穩定肌膚。   小黑瓶精華質地是半水半精華狀,伸延性高。     小黑瓶 精華 在潔面後,第一個護膚步驟用,適量的活膚精華均勻塗面上,瞬間被肌膚吸收又夠清爽...