雖說秋天已到, 但離真正天氣冷的日子應該很遠, 背心都可以著多陣, 這樣保養underarm都不能放鬆!!
首先最煩惱的問題 - 毛髮, 我早幾年前已在bella整走佢, 都大大拿5千蚊!!
剛在 Lumiere 進行脫毛療程, 見到有個學生妹妹係度, 一問治療師之下, 原來現在有優惠就是 $755 已經可做 腋下/上唇/比堅尼V線, 仲要係永久....!!! 真係抵到爛, 可惜這三個部位已經與我無關...
我相信你們就算做完laser脫毛, underarm都係見到黑色一撻撻, 應該是之前剃毛/拔毛/脫毛膏/止汗劑的反效果~
我都好想好似擁有明星咁白的underarm, 而我覺得joey個加拿大真係幾白XD, 到底用咩? 即係gogogo為大家分享下!
話說上年5月去泰國買了erb 腋下深層亮白套裝, 就是因為看小知文而認識
1,220 baht (即是約HKD322)
erb 香港網站是$460一套, 有時候會有8折 $368, 這樣跟泰國買的價錢就差不多。
腋下深層亮白調理膜 75 ml
腋下深層亮白化妝水 100ml
腋下深層亮白調理膜 75 ml
成份: 番石榴葉 (舒緩肌膚) / 羅望子(去除老廢角質並亮白) / 白土 (適合敏感的肌膚, 預防毛囊阻塞、排毒) / 薄荷。
網頁說明使用幾乎100％的天然成分
去除髒污及幫助排毒的腋下調理膜。
使用方式: 淋浴前, 輕柔的塗抹在腋下, 10分鐘後徹底沖洗。
每週使用2～3次。若需更有效的清潔, 淋浴後接著使用腋下深層亮白化妝水 。
似clay mask質地, 有少少香味, 平時沖涼前用就可以, 現在示範只好白白舉起雙手10mins...
約10mins已乾透, 我會摔一摔讓更多老角質脫落, 之後再沖水洗淨。
用完即時有白左的效果, 不過想繼續白也要持續使用。
腋下深層亮白化妝水 100 ml
成份: 番石榴葉 (舒緩肌膚) / 甘草 (亮白並調理肌膚) /黃瓜(保濕清爽)/薄荷
每天淋浴後, 以化妝棉或棉球將化妝水擦拭在腋下部位。
白天若感覺有異味或是不清爽時, 也可以隨時使用。
underarm都有toner, 哈哈~~~等於我們塊面做完清潔mask後, 也要塗保濕原理一樣~
一樣帶有香味, 腋下用後感到陣陣涼意幾舒服, 應該是其中的薄荷成份。
這泰國品牌erb真的不便宜, $3xx 專for underarm, 效果是不錯, 不過太貴不會回購, 試過就算~加上toner用量較多, toner用完而clay mask還有十幾次可用。
會用其他平價去角質/磨砂產品, 身體上我覺得屈臣氏peeling幾好, 上次特價$99/2枝購入, 會員再9折~~
我下手臂被陽光曬得鴛鴦色, 就打算勤力做 peeling 來補救。
除了underarm之外, 手臂粒粒也是我的煩惱, 對手臂已經又肥又鬆泡泡, 所以我那麼愛露膊衫就是這原因。
我相信有部份sis都跟我有一個煩惱, 不要以為較肥胖的人先有, 我見過好瘦的人都有! 我中一已發現手臂有粒粒, 成日紅紅地又突出黎, 就算做磨砂都沒用。
在某網上fanpage見到有日本曼秀雷敦 專為手臂粒粒的藥膏, 只是$120 值得買來一試~
網上看到主要功效是修復肌膚細胞, 縮小被撐大的毛孔, 促進細胞更新, 恢復細胞新陳代謝, 讓肌膚恢復光滑白皙狀態。
每天可塗幾次, 不過我最多是早晚各一次!
白色膏狀, 易推開吸收, 用大約一星期後手臂粒粒已少左泛紅同細粒左少少, 要keep住搽先有效果。粒粒當然仍然存在, 皮膚少紅就不會太起眼。
沒有留言:
張貼留言