向甜筒say no - Honey Creme

一直都好想試韓國有名的蜂蜜雪糕, 今次去apple shop前望到Honey Creme, 即刻要試試!

見到七彩的雪糕筒好吸引, 其實display只有6隻色, 哈哈, 見到紫色已經雙眼發光。

店內有11款雪糕選擇, 每款都幾特別如濃縮咖啡、棉花糖、有機混和穀粉、長崎蛋糕等等, 外型幾有趣。

這間店應該是算新開, 所以都很多人去排隊購買。點了蜂巢雪糕 (筒) 及 朋友的焦糖爆米花雪糕 (杯), 我要求店員可否要紫色雪糕筒, 店員說不可以揀, 不過我打算碰碰運氣。

裝修簡約, 但店與路之間較窄, 就近馬路, 中間又多途人穿插, 加上買完雪糕就企係度既人相當多, 都幾擠迫。 

近來的好hit 的蜂巢

望望只是普通顏色雪糕筒確實有少少失望, 繼而再拍照幾張, 雪糕已經開始溶了。oh my god 我第一次好狼狽好快去食雪糕, 像小朋友因為食得慢而雪糕不停向下溜, 怪不得中間有張卡紙吧。

雪糕是算軟滑, 依據店內的單張說明是意大利進口原料製作的軟雪糕, 但我覺得奶味不算濃。而蜂巢就是New Zealand 認證的頂級蜂巢, 蜂蜜都相當多, 單食蜂蜜味道我覺得太甜, 混合雪糕ok吧。 而蜂巢不算痴口, 趙完就掉了。

用了幾分鐘終於將雪糕溶掉情況控制到, 我想說之前咁狼狽去食一點都不enjoy~開始有時間去環顧四周, 原來差不多9成人係點"杯", 我為了紫色而點 "筒"的確有點愚蠢, 哈哈, 應該只有一隻色雪糕筒, 我覺得店員應該一早跟顧客說明。當開始咬甜筒 (韓國空運到港), 令我的確有點驚喜, 甜筒好脆帶點甜, 暫時在香港我未食到的。

焦糖爆米花雪糕: 朋友說爆米花好味, 而且甜度恰到好處, 不過雪糕沒什麼特別, 跟雪糕車食的差不多。

總括來說, 價錢太貴了 蜂巢雪糕 $42, 焦糖爆米花雪糕 $38 跟質素不太成正比。試一次便好, 因為我真的不喜歡溶得超快的雪糕。