自認為識食又貪新鮮的人, 特別留意新開的餐廳, 有興趣就去光顧, 最近Espuma開第2間分店, 其實尖沙咀店我一直未有機會去試, 因為長期大排人龍。今次就先會一會中環店吧~
Espuma 第2間分店就是中環威靈頓廣場M88, 十分鄰近中環地鐵站, 要搵食相當就腳~
餐廳是17樓全層, 好大好寬敞, 白色鳥籠、皮梳化座椅帶點懷舊既高貴感覺, 相當適合好友們親蜜地圍在一起談天說地。
很喜歡這懷舊的燈飾, 簡單不花巧
Espuma 每角落的座椅都有不同主題設計, 如梳化椅配不同顏色的圓檯, 像happy hour舉酒杯暢飲、不同顏色的檯椅配併排在一起相當有新鮮感。環境相當有情調, 頗適合情侶, 是將臨近情人節值得一選餐廳。
就連掛畫都相當吸引, 裝飾一絲不苟。
來到另一邊廂, 氣氛又不同了, 旁邊有個似中式的擺設櫃, 擺放著不少精品, 如可愛公仔茶杯、單車、座檯鐘, 如有興趣也可以跟餐廳購買的。
很喜歡Espuma的七彩圖案, 帶有西班牙風格。
我點了招牌水果茶 (凍) $46, 餐具是一邊叉一邊匙的設計。
淡淡的茶香, 帶少少果味, 不會澀不會酸, 但略為未夠甜, 生果選用蘋果、青蘋果更有爽口感覺。
也點了熱版 $42, 份量都頗大壺, 2人分享也不錯。
Fish n' Bites 炸魚柳配厚切薯條
炸物可說是我最愛, 魚柳賣相似中式油條, 而薯條是原個薯仔切條炸的, 粗幼度適中, 夠香脆食個不停~
魚選用龍脷柳, 外層脆醬是加上啤酒來調製, 口感更鬆化, 沒半點油膩, 魚肉也是雪白嫩滑, 下次再來一定encore的菜式。
Jamon Jamon 西班牙黑毛豬火腿配西班牙蕃茄醬及多士 $188
賣相好精美, 配搭很有色彩。
最上的西班牙黑毛豬火腿是用上風乾24個月黑毛豬, 中間是蕃茄醬。
嚐第一口首先感受到清新蕃茄醬, 繼而是鬆軟的厚多士, 最後是黑毛豬火腿帶點肉香咸味, 齒頰留香。
Seafood Laksa Rice Noodle 馬來喇沙湯海鮮米線 $98
因為中環區較多外國人聚集, 所以中環分店menu加入Asian Delight, 如四川麻辣香腸pizza、咖哩雞飯。
喇沙湯底少辣滑喉, 很適合我, 蝦肉彈牙、魚餅較辣、豆卜幾入味, 而米線有點煮得過火候較稔。
轉眼間來到甜品時段, 我手持著像花一般的到底是什麼呢?
Sweet Fantasia 甜之夢想曲 (需要預訂)
每份用酒檳杯容量盛載, 賣相相當特別
由左上至右下分別是石榴白朱古力慕絲、抹茶慕絲伴朱古力布朗尼、酒香白桃果凍、朱古力慕絲布朗尼、蘋果金寶、咖啡慕絲伴oreo、檸檬菠蘿粒粒
石榴味好清新、抹茶味夠香濃、白桃果桃賣相最靚又清甜, 我抽中的咖啡慕絲伴oreo, 還以為普通朱古力慕絲, 呷一口有好香濃的咖啡味道, 朋友也按奈不住要搶食一口, 咖啡配上oreo令我對oreo的太甜印象改觀, 兩者平衝得宜。
Black Truffle Nuts Mille Feuille 黑松露榛子拿破崙千層酥 $88
黑松露加在甜品之中, 確實有點創新、大膽, 我最初都不敢估計是什麼味道。
最後試了卻是喜出望外, 我一向不好拿破崙, 然而這個拿破崙千層酥口感不錯, 最少不易跌散在檯面上, 至於中間的黑松露醬頗幼滑, 只是淡淡的黑松露味, 完全不會是鹹味, 而榛子甜甜的很脆。
Rose & Berry 玫瑰櫻桃酒香草莓窩夫配雪糕 $118
老實說, 食不出有玫瑰櫻桃酒味道, 加上生果是浸糖水不新觧, 影響賣相及口感, 不過waffle都是外脆內軟。
幸好最後還有個美滿的完結, 就是 In Love with Taro Moffle 日式香芋麻糬窩夫配雪糕 $88
心形紫色的窩夫大愛, 一口咬下去便感受到內裡麻糬QQ感覺, 再沾上香芋mousse、香芋汁 (似溶掉的香芋雪糕)、榛子雪糕、紅豆, 竟然有一刻的感動、滿足。
我就是這樣簡單的人, 很容易被美食所俘擄, 因此遇上不開心、失意的事, 美食的確是我最佳靈藥。
沒有留言:
張貼留言