上次寫完cafe後, 打鐵趁熱再出篇甜品分享~
好多女士都喜歡食甜品, 除了賣相靚好吸引外, 食完會覺得好開心滿足, 而且晚餐後食甜品才是完美的結束。
有聽過女士有2個胃嗎? 一個胃食正餐, 另一個胃食甜品, 當吃晚餐時叫著很飽很飽, 但可以幾秒後說 "陣間食咩甜品呀?" 呵呵呵
抹茶館 Maccha House
沙田沙田正街18號新城市廣場第三期1樓A132A號舖
一田地下的KFC執左就變了抹茶館~
佢鑽石山和屯門都有分店, 但我從來未試過
點了提拉米蘇, 配有茉莉茶, 可以中和一下甜味, 不錯
綠茶味不算太濃, 其實我覺得太多cream有點膩, 多些人share會好一點
然後就是到我手上的甜品, 登登登~
士多啤梨銅鑼燒
超 好 味! pancake 夠熱夠鬆軟, 配上士多啤梨、cream (我鐘意食, 所以多都ok)、海棉蛋糕, 還有外圍的士多啤梨醬, 甜甜酸酸, yummy
不要以為我食甜品當正餐咁恐怖, 其實之前已經叫了麵, 這個卡邦尼亞烏冬, 推介~
意粉變了烏冬, 感覺很得意所以想試, 但食後原來這個配搭都不錯~
其後9月也去了抹茶館一次, 就是跟朋友們jannis, sugar同ping ping去的
估不到寫blog寫到變朋友相約食飯~我當時寫blog因為好多護膚品試所以開始, 我也感染到身邊朋友jannis, sugar tim, 哈哈
現在好少再寫, 一來皮膚問題, 二來太忙, 而且常去的ztyle已經變得冷清了, 希望我地有心機keep住寫, 只為了想分享而不是為了個"推薦"吧
我頭先太多口水喇~~哈哈, 先回正題
點了雪糕奶抹, 超好飲~今次2個人share, 下次可以自己一杯, hahaha~但綠茶應該沖得滿滿才對!
其點了2個甜品, 第一個是抹茶芝士慕絲蛋糕, 我自己覺得太膩, 又芝士又cream, 好彩4個人share
什錦銅鑼燒...唔這個我認為一般喇~
怎樣說, 我覺得雪糕太快融, 又有cream、紅豆, 個pancake好濕感覺不太好, 而且有紅豆會太甜
有時我發覺自己見到甜品的時候, 雙眼好像發光一樣~
今次去左 宏 (地址: 佐敦白加士街15號藍馬商業中心地下)
目的就是為了左邊那杯綠茶甜品 ^^
另外還有馬卡龍、蛋糕、出名的卷蛋等等, 原來還有麵食的!
好為食的樣子 XD
先解構一下抹茶芭菲先
可麗餅無咩特別, 雪糕未夠綠茶味, 麻糬都煙煙UN UN唔錯, 至於其他配料都是一般吧, 整體感覺不算太夾~
另一個朋友說沒什麼特別
整體來說, 價錢都算貴...約$6X - 7X不等, 上面的抹茶芭菲都要$78~
如果喜歡食綠茶味的, 可以去CHA CHA食雪糕, 雖然不斷加價, 但行街時候想食點甜品的確一個不錯選擇~
北海道牛奶綠茶味~好軟滑好正, 食一杯其實都幾飽架
最近到了一間幾hit的甜品食店, HeSheEat (旺角白布街22號藝興大廈地下4號舖)
名字改得不錯, 在4點多去到都要等15mins, 如果其他時間應該還要多人
首先裝修十分吸引我, 滿佈圖案在牆上, 再配上螢光粉紅的燈光, 拍照都十分靚~
甜品實在太多選擇, 出現了選擇困難症~
好想試我一向最愛的waffle, 但店子又有另外一些好味推介~
最後都是揀了推介, waffle下次吧~XD
檸檬吉士卷配青檸雪芭, 雪芭可以中和甜味, 又有檸檬的酸味, 有點兒太特別...這個OK喇...
我最最最鐘意食就是這個櫻花草莓奶凍, 我發覺自己太喜歡strawberry了, 哈哈
第一賣相已經爆燈~
好味軟滑的雪糕, 還有果醬及奶凍 (又是好滑), 食到唔捨得停下來!!! 一粒粒的白色我不知道是什麼了.
這店可以繼續再encore~
最後就是介紹這店~估到是什麼國家嗎?
就是台灣, 不過不是咖啡弄....
茶木‧台式休閒餐廳
旺角彌敦道628號瓊華中心10樓全層
有幾間分店, 不過時常很旺場, 所以我都醒目地在6時多先取飛, 估不到人比想像中, 擠在同一層~~
取完飛就去買點東西逛逛, 大約8點取達, 竟然過了...幸好只是5張檯內~
有台灣麵, 又有手作意粉, 今次點了肉燥麵 (個麵真的不錯!) 還有鹽酥雞, 燻蛋, 這些一般~下次想試手作意粉, 因為同事試過不錯
還有我上手的飲品, 感覺好似咖啡弄~~
綜合水果茶
是凍的, 但好少好少冰, 少到看不到, 這樣才抵飲~
多款水果, 配上青檸及話梅, 感覺好清新, 但不會太酸
隻飲品匙好搞笑, 像沙灘用的泥剷
來到茶木一定要點的
吐司~
草莓香草磚塊密糖吐司
賣相已經一流, 再加上我影得幾靚, 呵呵~
另外都有未切一舊吐司選擇...不過我會介紹大家選已切好的
製作時間都要20-30mins, 所以要自己預定時間去點, 否則會等太耐
粒粒密糖麵包, 配上雪糕、strawberry奶昔醬 (好似) 、生果, 忍不住一啖接一啖
其實吐司份量很多, 2個人食已經有多, 最底個塊沒有切到粒粒, 要自己切有點呢hea
我想說.....比在台中那次dazzling cafe還要好食~~~
.jpg)
.jpg)
